I-XI კლასებისთვის ექსტერნატის გამოცდები იწყება

საქართველოს განათლების, მეცნიერების, კულტურისა და სპორტის სამინისტრომ I-XI კლასების მოსწავლეებისთვის ექსტერნატის ფორმით დაძლევის მსურველთათვის რეგისტრაციისა და გამოცდების ჩატარების ვადები განსაზღვრა.

I-XI კლასში/სემესტრში შემავალი საგნის/საგნების ზოგადსაგანმანათლებლო სასწავლო პროგრამის/პროგრამების ექსტერნატის ფორმით დაძლევის მსურველ მოსწავლეებს გამოცდაზე ექსტერნად დარეგისტრირება 2020 წლის 24 აგვისტოდან 27 აგვისტოს ჩათვლით შეეძლებათ.

ექსტერნატის გამოცდები 2020 წლის 2 სექტემბრიდან 2020 წლის 11 სექტემბრის ჩათვლით ჩატარდება.