საქართველოს პარლამენტში ახალგაზრდული პროექტის „ჩვენ ერთმანეთს ძალიან ვჭირდებით“ დასკვნითი ღონისძიება გაიმართა
განათლების, მეცნიერებისა და ახალგაზრდობის მინისტრის მოადგილე ბაია კვიციანმა საქართველოს პარლამენტში ახალგაზრდული პროექტის „ჩვენ ერთმანეთს ძალიან ვჭირდებით“ გამარჯვებული სტუდენტების დაჯილდოების ღონისძიებაში მიიღო მონაწილეობა.
ბაია კვიციანმა დამსწრე საზოგადოებას სიტყვით მიმართა, მონაწილეებს მიღწეული წარმატება მიულოცა და ახალგაზრდული დიპლომატიის გაძლიერებისა და მშვიდობის მშენებლობის პროცესში ახალგაზრდების ჩართულობის მნიშვნელობაზე გაამახვილა ყურადღება.
პროექტის ფარგლებში, საქართველოს სახელმწიფო და კერძო უნივერსიტეტების სტუდენტებმა სოციალური მედიისთვის თემატური ტექსტები და ვიდეომიმართვები შექმნეს, რომლებიც როგორც საქართველოს მასშტაბით, ისე დროებით ოკუპირებულ ტერიტორიებზეც გავრცელდა.
ღობისძიებაზე გამარჯვებულ სტუდენტებს დიპლომები და სიმბოლური საჩუქრები გადაეცათ.
ექვსთვიანი პროექტი დემოგრაფიული აღორძინების ფონდის ორგანიზებითა და სსიპ ახალგაზრდობის სააგენტოს მხარდაჭერით განხორციელდა. იგი შიდა კონფლიქტების დარეგულირების საკითხებში ახალგაზრდული დიპლომატიის როლსა და ნდობის აღდგენის კუთხით დემოგრაფიული პოლიტიკის გამოყენებას ეძღვნება.
ღონისძიებას ესწრებოდნენ საქართველოს პარლამენტის თავმჯდომარის პირველი მოადგილე გიორგი ვოლსკი, განათლების, მეცნიერებისა და ახალგაზრდულ საქმეთა კომიტეტის თავმჯდომარე მარიამ ლაშხი, პარლამენტის წევრები ვლადიმერ ბოჟაძე, ზურაბ ქადაგიძე და ქეთევან ხუროძე, პროექტის ავტორი და დემოგრაფიული აღორძინების ფონდის თავმჯდომარე თამარ ჩიბურდანიძე, სსიპ ახალგაზრდობის სააგენტოს წარმომადგენლები და სხვა მოწვეული სტუმრები.
