დიმიტრი შაშკინი ეროვნულ კონფერენციას ”თამბაქო ან ჯანმრთელობა” დაესწრო

კონფერენცია განათლებისა და მეცნიერების სამინისტროს ეროვნული სასწავლო გეგმებისა და შეფასების ცენტრისა და დაავადებათა კონტროლისა და საზოგადოებრივი ჯანმრთელობის ეროვნული ცენტრის ერთობლივი პროექტის “საჯარო სკოლებში თამბაქოსაგან 100%-ით თავისუფალი პოლიტიკის დანერგვის” ფარგლებში ჩატარდა და მის მუშაობაში პროექტში ჩართული სასწავლო დაწესებულებებისა და სხვადასხვა ორგანიზაციების წარმომადგენლები მონაწილეობდნენ.

პროექტი რამდენიმე თვის განმავლობაში მიმდინარეობდა, 2009 წლის ივნისსა და სექტემბერში გაიმართა 8 დისკუსია თბილისში, ბათუმში, ზუგდიდში, ქუთაისსა და სიღნაღში. დისკუსიებში მონაწილეობა მიიღეს თბილისის, აჭარის, სამეგრელოსა და ზემო სვანეთის, იმერეთისა და კახეთის რეგიონების 100 საჯარო სკოლის დირექტორმა, საგანმანათლებლო რესურსცენტრების,  განათლებისა და მეცნიერების სამინისტროს ეროვნული სასწავლო გეგმებისა და შეფასების ცენტრის, განათლების  აკრედიტაციის ეროვნული ცენტრის, მასწავლებელთა პროფესიული განვითარების ცენტრისა და უმაღლესი სასწავლებლების წარმომადგენლებმა.