საატესტატო გამოცდებთან დაკავშირებით ბრიფინგი გაიმართა
საქართველოს განათლებისა და მეცნიერების სამინისტრო საატესტატო გამოცდებისათვის მზადებას განაგრძობს. საატესტატო გამოცდები ჩატარდება როგორც საჯარო ასევე, კერძო სკოლების ბაზაზე.
საქართველოს მასშტაბით, ყველა საჯარო სკოლა სრულ მზადყოფნაშია გამოცდების ჩასატარებლად. სამწუხაროდ, რიგი კერძო სკოლები არ ცდილობენ სათანადოდ მოემზადონ საატესტატო გამოცდებისთვის, კერძოდ, სკოლებს არ უზრუნველყოფენ საატესტატო გამოცდებისთვის შესაბამისი ინფრასტრუქტურითა და ინვენტარით, რის გამოც მათ მოსწავლეებს გამოცდების ჩაბარება საჯარო სკოლების ბაზაზე მოუწევთ.
საქართველოს განათლებისა და მეცნიერების სამინისტრომ კიდევ ერთხელ მოუწოდა კერძო სკოლებს აქტიურად ჩაერთონ საატესტატო გამოცდებისთვის მზადების პროცესში და მოსწავლეებს საშუალება მისცენ გამოცდები მათთვის კომფორტულ და შეჩვეულ გარემოში ჩააბარონ.
