პედაგოგებს სასერტიფიკაციო გამოცდებისთვის მოსამზადებელი ტრენინგები ჩაუტარდათ
მასწავლებელთა პროფესიული განვითარების ეროვნული ცენტრი ზემო ნიქოზისა და მიმდებარე სოფლების პედაგოგებს სასერტიფიკაციო გამოცდებისთვის ტრენინგს უტარებს. ოთხი დღის განმავლობაში მასწვალებლები გადამზადებას პროფესიულ უნარებში გაივლიან. განსახილველ თემებს შორის არის პრაქტიკული სავარჯიშოები, კომუნიკაცია, კლასის მართვა და სწავლების მეთოდები, ინკლუზიური განათლება, შეფასების სისტემა და სხვ. ტრენინგის შედეგებს პედაგოგები სპეციალური ტესტირების გავლის შედეგად შეაჯამებენ.
ზემო ნიქოზში მიმდინარე ტრენინგებს მათემატიკის, ქართული ენისა და ლიტერატურის, რუსულის, დაწყებითი კლასების, გეოგრაფიისა და საბუნებისმეტყველო საგნების პედაგოგები ესწრებიან. ამ ტერიროტიაზე მასწავლებლების გადამზადება უკვე მეორედ მიმდინარეობს.
მასწავლებელთა პროფესიული განვითარების ეროვნული ცენტრი პედაგოგების მოთხოვნის საფუძველზე უახლოეს მომავალში მათთვის გრძელვადიანი სემინარების ჩატარებას გეგმავს.
