2011 წლის კურსდამთავრებულთა გამოშვების საზეიმო ღონისძიება თსუ-ში
2011 წელს ივანე ჯავახიშვილის სახელობის თბილისის სახელმწიფო უნივერსიტეტის ბაკალავრიატში სწავლა 3000-მდე სტუდენტმა დაასრულა. თსუ-ის 2011 წლის კურსდამთავრებულების გამოშვების საზეიმო ღონისძიებას საქართველოს პრემიერ-მინისტრი ნიკა გილაური, განათლებისა და მეცნიერების მინისტრი დიმიტრი შაშკინი, თსუ-ს რექტორი ალესანდრე კვიტაშვილი და უნივერსიტეტის აკადემიური წრეების წარმომადგენლები დაესწრნენ.
ბაკალავრების გამოსაშვები საზეიმო ღონისძიება ივანე ჯავახიშვილის სახელობის თბილისის სახელმწიფო უნივერსიტეტში ტრადიციულად ყოველ წელს იმართება. ტრადიცია არც წელს დაირღვა, ბაკალავრებს სწავლის დამთავრება მიულოცეს და მომავალი წარმატებები უსურვეს მთავრობის წევრებმა, ცნობილი კომპანიების წარმომადგენლებმა და პროფესორ-მასწავლებლებმა.
ღონისძიების ფარგლებში 2011 წლის გამოშვების წარჩინებულ სტუდენტთა სერტიფიკატებით დაჯილდოების ცერემონია გაიმართა. ხოლო ოფიციალური ნაწილის დასრულების შემდეგ, მანტიებში გამოწყობილმა ბაკალავრებმა ქუდების აყრით აღნიშნეს მათთვის ახალი ცხოვრების დაწყება.
