მანდატურების საჩუქარი ბავშვთა სახლის მოზარდებს
სასწავლო დაწესებულების მანდატურები ბათუმის ბავშვთა სახლის აღსაზრდელებს ესტუმრნენ და სხვადასხვა სახის საჩუქრები გადასცეს. მანდატურებმა ბავშვთა სახლის მოზარდები ბათუმის ”აკვაპარკშიც” წაიყვანეს და მთელი დღე მათთან ერთად გაატარეს.
მანდატურები სხვადასხვა ბავშვთა სახლებს სისტემატურად სტუმრობენ და მსგავსი სახის აქციებს თითქმის ყოველ კვირა აწყობენ. მათ ამჯერად ბათუმის ბავშვთა სახლის აღსაზრდელებს ტკბილეულობა, სათამაშოები და სხვადასხვა სახის საყოფაცხოვრებო ნივთები გადასცეს.
საქველმოქმედო აქციები მომავალშიც გაგრძელდება. მსგავსი ღონისძიებები მანდატურებსა და ბავშვებს შორის მეგობრული ურთიერთობების ჩამოყალიბებას, კეთილგანწყობას და ნდობის გაზრდას უწყობს ხელს, რაც საბოლოოდ, დანაშაულის პრევენციას უზრუნველყოფს.
