კონკურსში გამარჯვებული სტუდენტები ნატოს შტაბ-ბინაში გაემგზავრებიან
ნატოსა და უსაფრთხოების საკითხებზე
დაცული საბაკალავრო და სამაგისტრო ნაშრომების
კონკურსის გამარჯვებულები გამოვლინდნენ. ღონისძიებას საქართველოს განათლებისა და მეცნიერების
მინისტრი დიმიტრი შაშკინი დაესწრო. კონკურსის ორი გამარჯვებული ბრიუსელში, ნატოს შტაბ ბინაში გაემგზავრება, ხოლო სამ ფინალისტს პერსონალური კომპიუტერები პირადად განათლებისა და მეცნიერების მინისტრმა გადასცა.
პროექტი ორგანიზაციამ „ახალი თაობა – ახალი ინიციატივა“ საქართველოს განათლებისა და
მეცნიერების სამინისტროს მხარდაჭერითა და ნატოს საზოგადოებრივი
დიპლომატიის სამსახურის დაფინანსებით
განახორციელა.
პროექტში ცხრა უმაღლესი სასწავლებელის 30-მდე სტუდენტი მონაწილეობდა. კონკურსის მიზანი იყო ნატოსა და უსაფრთხოების საკითხებზე დაინტერესებულ სტუდენტთა მოტივაციის ამაღლება, მათი ჩართულობის გაზრდა და ამ მიმართულებით წახალისება.
კონკურსში მონაწილეობა იმ ახალგაზრდებს შეეძლოთ, რომლებსაც ნატოსა და უსაფრთხოების საკითხებზე დაცული ნაშრომების საფუძველზე, უკვე მინიჭებული აქვთ ბაკალავრის ან მაგისტრის აკადემიური ხარისხი.
