საახალწლო ნაძვის ხე ომში დაღუპულ გმირთა შვილებისთვის

დღეს საქართველოს განათლებისა და მეცნიერების სამინისტრომ 2008 წლის აგვისტოს ომში დაღუპული გმირების შვილებს უმასპინძლა.  საგანგებოდ მათთვის საახალწლო ნაძვის ხის ზეიმი გაიმართა, ბავშვების მხიარულ განწყობაზე ბასტი-ბუბუს მსახიობები და ანიმატორები ზრუნავდნენ, ბავშვებმა ბევრი საჩუქარიც მიიღეს. საახალწლო ზეიმში სხვადასხვა ასაკის 120 ბავშვი მონაწილეობდა საქართველოს ყველა კუთხიდან.

მომავალი თაობის წახალისება, მათი სწავლით დაინტერესება სამინისტროსთვის ერთ-ერთი მთავარი პრიორიტეტია. განსაკუთრებით მნიშვნელოვანი კი, იმ  ბავშვებზე ზრუნვაა, რომელთაც ყველაზე მეტად ესაჭიროებათ თანადგომა და სიყვარული. სამინისტრო ცდილობს ასეთი მოზარდები არ დარჩნენ ყურადღების მიღმა მითუმეტეს, განსაკუთრებულ დღეებში.

Video