დიმიტრი შაშკინი 175-ე საჯარო სკოლაში სპორტის გაკვეთილს დაესწრო
საქართველოს
განათლებისა და მეცნიერების მინისტრი დიმიტრი შაშკინი თბილისის 175-ე საჯარო სკოლის საცურაო აუზზე,
სპორტის გაკვეთილის ფარგლებში ორგანიზებულ უმცროსკლასელთა შეჯიბრებას დაესწრო და
გამარჯვებული მოსწავლეები დაასაჩუქრა. გასულ წელს პრეზიდენტის ინიცირებული პროექტის ფარგლებში,
რომელიც ფიზკულტურის
სპორტის გაკვეთილებით ჩანაცვლებას გულისხმობს, №175 სკოლაში საცურაო აუზი გაიხსნა და ცურვისა და წყალბურთის გაკვეთილები
დაინერგა.
175-ე საჯარო
სკოლაში დიდი დაინტერესება გამოიწვია სპორტის გაკვეთილებმა და უკვე ერთი წელია ამ სკოლის მოზარდები ფეხბურთთან, კალათბურთთან და ფრენბურთთან
ერთად, ცურვასა
და წყალბურთს ეუფლებიან,
სპორტის ამ სახეობებში გაკვეთილები ტარდება, იმართება სასკოლო ტურნირებიც. 175-ე
საჯარო სკოლის საცურაო აუზით მუხიანის დასახლებაში მდებარე სხვა საჯარო სკოლის მოსწავლეებიც
სარგებლობენ და ერთობლივ სპორტულ ღონისძიებებშიც მონაწილეობენ.
თბილისის №175-ე საჯარო სკოლაში 2 000-მდე მოსწავლე სწავლობს და 135
პედაგოგი მოღვაწეობს. კურსდამთავრებულები წარმატებით აბარებენ ერთიან
ეროვნულ გამოცდებს, მონაწილეობენ სასკოლო ოლიმპიადებსა და სხვადასხვა კონკურსებში.
გასულ წელს სკოლას 12
ოქროსა და 6 ვერცხლისმედალოსანი ჰყავდა.
Video
