სამართლებრივი ოლიმპიადა გაიმართა
ოლიმპიადაში მონაწილეობა თბილისის ივანე ჯავახიშვილის სახელობის სახელმწიფო უნივერსიტეტის, საქართველოს ტექნიკური უნივერსიტეტის, საქართველოს უნივერსიტეტის, კავკასიის უნივერსიტეტის, სოხუმის სახელმწიფო უნივერსიტეტისა და ქართულ-ამერიკული უნივერსიტეტის სტუდენტებმა მიიღეს. საუკეთესო გუნდი განათლებისა და მეცნიერების მინისტრის მოადგილემ კოკა სეფერთელაძემ დააჯილდოვა.
ოლიმპიადა
საზოგადოებრივი სასამართლოს პროექტის ფარგლებში 5 ეტაპად ჩატარდა: კაზუსის ამოხსნა; სამართლებრივი კითხვები; იურიდიულ ტერმინთა მნიშვნელობა; გუნდის
კაპიტანთა შეჯიბრი; სამართლებრივი შეცდომების კორექტირება და
დებატები.
ოლიმპიადის თემატური საკითხები თბილისის საქალაქო სასამართლოს ადმინისტრაციამ სამართლის შემდეგი დარგებიდან განსაზღვრა:
ადამიანის უფლებათა საერთაშორისო სამართალი, სისხლის სამართალი, სისხლის სამართლის
პროცესი, სამოქალაქო სამართალი, სამოქალაქო სამართლის პროცესი, ადმინისტრაციული
სამართალი და ადმინისტრაციული სამართლის პროცესი.
სხვადასხვა უმაღლესი სასწავლებლის ექვსწევრიანი გუნდები, ერთმანეთს
თეორიულ ცოდნასა და პრაქტიკულ უნარ-ჩვევებს უზიარებდნენ,
მომავალი იურისტების საუკეთესო გუნდი კი, კომპეტენტურმა ჟიურიმ
გამოავლინა.
