"Summer Job" პროგრამის მონაწილეებთან ხელშეკრულების გაფორმების ვადები
საზაფხულო დასაქმების პროგრამაზე დარეგისტრირებული სტუდენტები 5 აპრილიდან 15 მაისამდე უნდა გამოცხადდნენ დამსაქმებელთან (ელ.ფოსტაში მითითებულ მისამართზე) და ხელი მოწერონ შრომით ხელშეკრულებას. სტუდენტებმა თან უნდა იქონიონ პირადობის დამადასტურებელი მოწმობა. ხელშეკრულების გაფორმებისათვის არ არის საჭირო რეგისტრაციის კოდი. იმ შემთხვევაში თუ ელ.ფოსტაში არ არის მითითებული ან არასრულადაა მოცემული დამსაქმებლის მისამართი, სტუდენტმა სახელი, გვარი, პირადი ნომერი და პრობლემა უნდა მოგვწეროს ელექტრონულ მისამართზე [email protected]
თუ სტუდენტი მითითებულ ვადაში არ გამოცხადდება დამსაქმებელთან და ხელს არ მოაწერს შრომით ხელშეკრულებას, იგი გამოეთიშება პროგრამას და მის სამუშაო ადგილზე 15 მაისის შემდეგ გამოცხადდება ხელახალი რეგისტრაცია. ეს საშუალებას მისცემს სხვა სტუდენტებს, ხელახლა მიიღონ მონაწილეობა პროგრამაში.
პლასტიკური ბარათების მიღება სტუდენტებს მათ მიერ არჩეულ ბანკის ფილიალში შეეძლებათ ხელშეკრულების გაფორმების შემდეგ, თუმცა ზუსტი თარიღის შესახებ ყველა იქნება ინფორმირებული. პლასტიკური ბარათის მისაღებად სტუდენტებს დასჭირდებათ პირადობის დამადასტურებელი მოწმობა და რეგისტრაციის კოდი.
