გიორგი ჩახნაშვილმა საპატიო დოქტორები დააჯილდოვა
თითოეული საპატიო დოქტორის მხარდაჭერით, თბილისის ღია უნივერსიტეტში არაერთი მნიშვნელოვანი საგანმანათლებლო პროექტი განხორციელდა და მომავალშიც იგეგმება. დიდია მათი როლი ღია უნივერსიტეტში დასავლური სტანდარტების დანერგვასა და საერთაშორისო თანამშრომლობის განვითარებაში.
თბილისის ღია უნივერსიტეტში არსებული ტრადიციის მიხედვით, პოლიტიკურ თუ საზოგადო მოღვაწეებს, დიპლომატებს, საგარეო პოლიტიკის სფეროში მოღვაწე პირებს, უცხო ქვეყნების უნივერსიტეტების მეცნიერებს, პროფესორ-მასწავლებლებს, ვისაც განსაკუთრებული ღვაწლი მიუძღვით უნივერსიტეტის წინაშე, თბილისის ღია სასწავლო უნივერსიტეტის საპატიო დოქტორის წოდება ენიჭებათ.
თანამედროვე სტანდარტების უმაღლეს სასწავლებელში სწავლება შემდეგ საბაკალავრო და სამაგისტრო პროგრამებზე მიმდინარეობს: სამართალი, სოციალური მეცნიერება და ბიზნესი და ინჟინერიის ფაკულტეტი. უნივერსიტეტში ასევე ფუნქციონირებს პროფესიული სწავლების ცენტრი, რომელიც ფართო სპექტრის საგანმანათლებლო პროგრამებს ახორციელებს.
