მანდატურების ინიციატივით თბილისის საჯარო სკოლებში შაბათობა გაიმართა

მანდატურები და მოსწავლეები, პედაგოგებთან ერთად  მთელი დღის განმავლობაში ასუფთავებდნენ სასწავლო დაწესებულებას.

მოსწავლეების თქმით მსგავსი აქციები ყველა მოსწავლესთვის სტიმულია სისიუფთავის დაცვისკენ და სკოლის მოვლისკენ, რადგან ყველა მოსწავლე დღის ყველაზე მნიშვნელოვან ნაწილს ჯანსაღ გარემოში უნდა ატარებდეს.

მანდატურების დასუფთავების აქციაში მონაწილეობის მიზანია, თავად შეიტანონ გარკვეული წვლილი სკოლების დასუფთავებასა და ეკოლოგიურად უსაფრთხო და ჯანსაღი გარემოს შენარჩუნებაში.

მანდატურების თქმით, ყოველთვიურად მსგავსი აქციის მოწყობა ძალიან მნიშვნელოვანია, რადგან მოსწავლეები, პედაგოგები და მანდატურები სკოლის სისუფთავეზე, გამწვანებასა და ჯანმრთელი გარემოს შექმნაზე ერთად იზრუნებენ.