ეროვნული კონკურსი პროფესიული უნარების წარმოსაჩენად
ეროვნული კონკურსი 16-17 თებერვალს პროფესიულ კოლეჯებში „სპექტრი“ და „იკაროსი“ ჩატარდება. კონკურსის მიზანია სამ პროფესიაში (შემდუღებელი, ვებდიზაინერი, მზარეული) საუკეთესო მონაწილე გამოავლინოს. კონკურსში გამარჯვებული მონაწილეობას WorldSkills International-ის 42-ე კონკურში მიიღებს, რომელიც ლაიპციგში, 2013 წლის 2-7 ივლისს გაიმართება.
WorldSkills Georgia მასშტაბური პროექტია, რომლის ფარგლებშიც ყოველწლიურად პროფესიულ უნარებში კონკურსები იმართება, რაც პროფესიებში მსოფლიო დონის სტანდარტების დამკვიდრებას და წარმატებული ახალგაზრდების გამოვლენას ემსახურება. კონკურსის შედეგად გამოვლენილი კანდიდატები ღირსეულად წარმოაჩენენ საქართველოს საერთაშორისო კონკურსებზე. პროექტი გერმანიის მთავრობის მხარდაჭერითა და გერმანიის საერთაშორისო თანამშრომლობის საზოგადოების (GIZ) ტექნიკური დახმარებით ხორციელდება.
WorldSkills -ის კონკურსში მონაწილეობა ხელს შეუწყობს საქართველოში პროფესიული განათლების განვითარებასა და პოპულარიზაციას, ასევე, გაზრდის პროფესიული განათლების მნიშვნელობას.
