ვებგვერდი ერთი თვის განმავლობაში მუშაობს სატესტო რეჟიმში. ინფორმაცია შესაძლოა არასრული ან არაზუსტი იყოს.
English

მარტყოფის მეორე საჯარო სკოლა 250 წლისაა

სოფელ მარტყოფის მეორე საჯარო სკოლა პროექტით „წმინდა ანტონ მარტყოფელი და მარტყოფში განათლების 250 წლიანი ეპოქა“, დაარსებიდან 250 წლის იუბილეს აღნიშნავს. დღეს, კვირეულის ფარგლებში, რამდენიმე დასკვნითი ღონისძიება გაიმართა, რომელსაც ბევრ საპატიო სტუმართან ერთად, საქართველოს განათლებისა და მეცნიერების მინისტრი გიორგი მარგველაშვილი დაესწრო.

ღონისძიების ფარგლებში, სოფელ მარტყოფისა და სკოლის ისტორიისადმი მიძღვნილი გამოფენა გაიხსნა, ჩატარდა საჩვენებელი გაკვეთილი, სასკოლო კონფერენცია, კვირეული საზეიმო კონცერტით დასრულდა.

მარტყოფი უმდიდრესი კულტურისა და სახელოვანი ისტორიის მქონე სოფელია, ამ ისტორიის ნაწილია მარტყოფის მეორე საჯარო სკოლა. სოფელში განათლების ისტორია წმინდა ანტონ მარტყოფელის საგანმანათლებლო მოყვაწეობით დაიწყო. სკოლა წმ. ანტონ მარტყოფელის სავანიდან სოფელ მარტყოფში 1752 წელს გადმოვიდა.

ორსაუკუნენახევრის მანძილზე მარტყოფის მეორე საჯარო სკოლამ ბევრი საინტერესო ტრადიცია დაამკვიდრა. სკოლას დღეს 400-მდე მოსწავლე და 45 პედაგოგი ჰყავს, მოზარდები აქტიურად არიან ჩართულნი სასკოლო ოლიმპიადებში, მონაწილეობენ სხვადასხვა კონკურსებსა და კონფერენციებში. სკოლის კურსდამთავრებულები ყოველწლიურად ერთიან ეროვნულ გამოცდებზე მაღალ შედეგებს აჩვენებენ და გრანტის მფლობელები ხდებიან.                                 

ᲑᲝᲚᲝ ᲡᲘᲐᲮᲚᲔᲔᲑᲘ

გივი მიქანაძემ პედაგოგთა და მეცნიერთა თავისუფალი პროფკავშირის ღონისძიებაში მიიღო მონაწილეობასაქართველოს განათლების, მეცნიერებისა და ახალგაზრდობის მინისტრმა გივი მიქანაძემ საქართველოს პედაგოგთა და მეცნიერთა თავისუფალი პროფკავშირის (სპმთპ) XIII ყრილობაში მიიღო მონაწილეობა.გივი მიქანაძემ აფხაზეთის საჯარო სკოლების საუკეთესო მასწავლებლებისა და ღვაწლმოსილი პედაგოგების დაჯილდოების ღონისძიებაში მიიღო მონაწილეობასაქართველოს განათლების, მეცნიერებისა და ახალგაზრდობის მინისტრმა გივი მიქანაძემ აფხაზეთის საჯარო სკოლების 2026 წლის საუკეთესო მასწავლებლებისა და ღვაწლმოსილი პედაგოგების დაჯილდოების საზეიმო ცერემონიაში მიიღო მონაწილეობა.გაეროს მდგრადი განვითარების თანამშრომლობის ჩარჩოს შედეგების ჯგუფის სამუშაო შეხვედრა გაიმართასაქართველოს განათლების, მეცნიერებისა და ახალგაზრდობის მინისტრის მოადგილის, ბაია კვიციანისა და გაეროს ბავშვთა ფონდის (UNICEF) წარმომადგენლის, იზაბელა კასტროჯოვანის თანათავმჯდომარეობით, „გაეროს მდგრადი განვითარების თანამშრომლობის ჩარჩოს (2026–2030)“ მეორე შედეგების ჯგუფის — „განათლება, ჯანდაცვა და სოციალური დაცვა“ — სამუშაო შეხვედრა გაიმართა.
ყველა სიახლე