საგანმანათლებლო რესურსცენტრის ხელმძღვანელების განმეორებითი კონკურსი
დეტალური ინფორმაციისთვის იხილეთ ბმული.
რესურსცენტრის ხელმძღვანელის სამუშაოს აღწერა:
რესურსცენტრის უფროსი:
- ხელმძღვანელობს რესურსცენტრს, წარმოადგენს რესურსცენტრს მესამე პირებთან ურთიერთობაში, წარმართავს მის საქმიანობას და წყვეტს რესურსცენტრის გამგებლობის სფეროსათვის მიკუთვნებულ საკითხებს;
- პასუხისმგებელია საქართველოს კონსტიტუციის, კანონების, კანონქვემდებარე ნორმატიული აქტების, მინისტრის ინდივიდუალური ადმინისტრაციულ-სამართლებრივი აქტების შესრულებაზე; კანონით დადგენილი წესით ახორციელებს სამსახურებრივ ზედამხედველობას რესურსცენტრის თანამშრომელთა საქმიანობაზე;
- იღებს გადაწყვეტილებებს საბიუჯეტო სახსრების მიზნობრივად გამოყენების შესახებ; საქართველოს განათლებისა და მეცნიერების სამინისტროს დასამტკიცებლად წარუდგენს რესურს-ცენტრის მუშაობის ყოველწლიურ გეგმას. კანონით დადგენილი წესით, საქართველოს განათლებისა და მეცნიერების სამინისტროს მიერ დამტკიცებული საშტატო განრიგის შესაბამისად თანამდებობაზე ნიშნავს და თანამდებობიდან ათავისუფლებს რესურს-ცენტრის თანამშრომლებს;
- თავისი კომპეტენციის ფარგლებში გამოსცემს ინდივიდუალურ ადმინისტრაციულ-სამართლებრივ აქტს, ამტკიცებს რესურს-ცენტრის შინაგანაწესს. შესაბამისი ღონისძიებების გატარებით ხელს უწყობს საქართველოს განათლებისა და მეცნიერების სამინისტროს მიერ შემუშავებული ნოვაციების და პროგრამების დანერგვას თავის სამოქმედო ტერიტორიაზე არსებულ ზოგადსაგანმანათლებლო დაწესებულებებსა და პროფესიულ საგანმანათლებლო დაწესებულებებში;
- თვალყურს ადევნებს სამოქმედო ტერიტორიაზე არსებული ზოგადსაგანმანათლებლო დაწესებულებების მიერ განათლების სფეროში მოქმედი კანონების და კანონქვემდებარე ნორმატიული აქტების, აგრეთვე საქართველოს განათლებისა და მეცნიერების მინისტრის მიერ გამოცემული სხვა სამართლებრივი აქტების შესრულებას;
- ხელმძღვანელობს და კოორდინაციას უწევს ცენტრის თანამშრომლების მიერ ინფორმაციის მოგროვებას-დამუშავებას და შესაბამისი სტრუქტურებისათვის მიწოდებას;
- უზრუნველყოფს სკოლების ანგარიშების საფუძველზე ცენტრის თანამშრომლების მიერ სწავლა-სწავლების პროცესის ხარისხის გაუმჯობესების შესახებ შესაბამისი რეკომენდაციების და წინადადებების შემუშავებას და საქართველოს განათლებისა და მეცნიერების სამინისტროსთვის წარდგენას;
- მის კომპეტენციას მიკუთვნებულ საკითხებთან დაკავშირებით განიხილავს ფიზიკური და იურიდიული პირების კორესპოდენციებს;
- საქართველოს განათლებისა და მეცნიერების სამინისტროს წარუდგენს ანგარიშს გაწეული სამუშაოს შესახებ და აძლევს რეკომენდაციებს განსახორციელებელი მოქმედების შესახებ;
- პასუხისმგებელია რესურსცენტრის სარგებლობაში არსებული სახელმწიფო ქონების დაცვასა და მიზნობრივად გამოყენებაზე.
თანამდებობრივი სარგო: 1,030
საკონკურსო პირობები:
კონკურსი ჩატარედება სამ ეტაპად:
I . განაცხადების გადარჩევა
II. ტესტირება
(ინფორმაციისთვის იხილეთ
ბმული)
III. გასაუბრება (გასაუბრების ეტაპზე მოხდება ფუნქციური წერის უნარების შემოწმებაც).
კონკურსში მონაწილეობის მოთხოვნები :
კონკურსში მონაწილეობა თანაბრად ხელმისაწვდომია ყველა იმ პირისთვის, რომელიც აკმაყოფილებს „საჯარო სამსახურის შესახებ“ საქართველოს კანონის 25-ე მუხლის მოთხოვნებს. კონკურსის წარმატებით გავლის შემთხვევაში, კანდიდატმა უნდა წარმოადგინოს ნარკოლოგიური შემოწმებისა და ნასამართლეობის ცნობები.
აგრეთვე:
- კადრების აღრიცხვის ფურცელი (CV);
- განათლების ან შესაბამისი კვალიფიკაციის მოწმობა;
- პირადობის დამადასტურებელი დოკუმენტი;
- ცნობა ჯანმრთელობის მდგომარეობის შესახებ;
- ფოტოსურათი (3×4-ზე) CD დისკთან ერთად.
სავალდებულო მოთხოვნები:
- უმაღლესი განათლება;
- განათლების სფეროში მუშაობის არანაკლებ 2 წლიანი გამოცდილება;
- ხელმძღვანელ თანამდებობაზე მუშაობის არანაკლებ 2 წლიანი გამოცდილება;
- სახელმწიფო ენის სრულყოფილი ცოდნა;
- კომპიუტერული (საოფისე) პროგრამების ცოდნა (Windows Office: Ms. Word, Ms. Excel, Ms. PowerPoint, Internet);
სამართლებრივი აქტების ცოდნა:
- საქართველოს კონსტიტუცია;
- ,,საჯარო სამსახურის შესახებ“ საქართველოს კანონი;
- საქართველოს ზოგადი ადმინისტრაციული კოდექსი;
- ,,ზოგადი განათლების შესახებ“ საქართველოს კანონი;
- ,,საჯარო სამსახურში ინტერესთა შეუთავსებლობისა და კორუფციის შესახებ“ საქართველოს კანონი;
- საქართველოს ორგანული კანონი ,,საქართველოს შრომის კოდექსი“;
- საქართველოს განათლებისა და მეცნიერების მინისტრის მიერ 2011 წლის 11 მარტს №36/ნ ბრძანებით დამტკიცებული ეროვნული სასწავლო გეგმა;
- ,,სახელმწიფო შესყიდვების შესახებ“ საქართველოს კანონი;
- ,,პროფესიული განათლების შესახებ“ საქართველოს კანონი;
- საქართველოს განათლებისა და მეცნიერების მინისტრი 2006 წლის 17 იანვარის №31ბრძანებით დამტკიცებული ,,საქართველოს განათლებისა და მეცნიერების სამინისტროს ტერიტორიული ორგანოების საგანმანათლებლო რესურსცენტრების ტიპური დებულება“;
- ,,საქართველოს განათლებისა და მეცნიერების სამინისტროს დებულების დამტკიცების შესახებ” საქართველოს მთავრობის 2004 წლის 21 მაისის №37 დადგენილება.
აუცილებელი უნარ-ჩვევები
- მენეჯერული უნარ-ჩვევები;
- მოლაპარაკებების წარმართვის გამოცდილება, კონფლიქტების მართვის უნარი, გუნდური მუშაობის უნარი;
- საქმიანი ურითიერთობების წარმოების უნარ-ჩვევები, საკუთარი შეხედულებების დასაბუთებისა და დაცვის უნარი;
- ორგანიზებულობა და პასუხისმგებლობის მაღალი გრძნობა;
- კომუნიკაბელურობა და კოლეგიალობა;
- ანალიტიკური აზროვნება;
- დაძაბულ რეჟიმში მუშაობისა და დროის მართვის უნარ-ჩვევები;
- ფუნქციური წერის უნარი.
დამატებითი მოთხოვნები:
უცხო (ინგლისური, რუსული) ენის ცოდნა;
კონკურსში მონაწილეობის მსურველებმა განაცხადი უნდა გააკეთონ მიმდინარე წლის 06 ივნისიდან 15 ივნისის ჩათვლით ვებგვერდზე www.hr.gov.ge .
ტესტირების თარიღი და ადგილი გამოქვეყნდება განათლების და მეცნიერების სამინისტროს ვებგვერდზე www.mes.gov.ge.
დამატებითი ინფორმაციისთვის მიმართეთ საქართველოს განათლებისა და მეცნიერების სამინისტროს. მისამართი: ქ. თბილისი, დ. უზნაძის ქ. №52. ტელეფონი: 231 89 40
დაკავშირება მოხდება იმ კანდიდატებთან, რომლებიც დააკმაყოფილებენ საკვალიფიკაციო მოთხოვნებს.
