ვებგვერდი ერთი თვის განმავლობაში მუშაობს სატესტო რეჟიმში. ინფორმაცია შესაძლოა არასრული ან არაზუსტი იყოს.
English

კონფერენცია თემაზე - განწყობის თეორია, იმპლემენტაცია და განვითარება

საქართველოს განათლებისა და მეცნიერების სამინისტროში „დ. უზნაძის სახელობის ფსიქოლოგიის ინსტიტუტის“ 70 წლისთავისადმი მიძღვნილი კონფერენცია „განწყობის თეორია, იმპლემენტაცია და განვითარება“ გაიმართა. აქვე, განხორციელდა საერთაშორისო საიუბილეო ალმანახის (ლიცენზირებული რეფერირებადი ჟურნალის) პრეზენტაცია. ჟურნალში წარმოდგენილია ქართველ და უცხოელ მეცნიერთა საკონფერენციო ნაშრომები, რომლებიც ასახავენ განწყობის თეორიის სფეროში ჩატარებული ფუნდამენტური და გამოყენებითი კვლევების საერთაშორისო აქტუალობას და სამეცნიერო მნიშვნელობას.

კონფერენციაზე წარმოდგენილ მოხსენებებში გაშუქდა განწყობის ფსიქოლოგიაში დაგროვილი სამეცნიერო ცოდნის გამოყენების პერსპექტივა ისეთ მნიშვნელოვან სფეროებში, როგორიცაა განათლება, პედაგოგიკა, მედიცინა, კრიმინალისტიკა, სამართალი, ანტისოციალური ქცევის პრევენცია-რეაბილიტაცია, ნეირო (თავის ტვინის შემსწავლელი) მეცნიერება, ენათმეცნიერება და სხვა.

კონფერენციამ კიდევ ერთხელ ცხადყო საერთაშორისო მნიშვნელობის მქონე ეროვნული ფსიქოლოგიური სკოლის აღორძინებისა და განვითარების სახელმწიფოებრივი მნიშვნელობა.

კონფერენცია შოთა რუსთაველის ეროვნული სამეცნიერო ფონდისა და საქართველოს განათლებისა და მეცნიერების სამინისტროს მხარდაჭერით ჩატარდა. ღონისძიებაში მონაწილეობას იღებდა საქართველოს განათლებისა და მეცნიერების მინისტრი გიორგი მარგველაშვილი.

ღონისძიების ორგანიზატორია დ.უზნაძის სახ. საქართველოს ფსიქოლოგთა ასოციაცია.

 

 

ᲑᲝᲚᲝ ᲡᲘᲐᲮᲚᲔᲔᲑᲘ

გივი მიქანაძემ პედაგოგთა და მეცნიერთა თავისუფალი პროფკავშირის ღონისძიებაში მიიღო მონაწილეობასაქართველოს განათლების, მეცნიერებისა და ახალგაზრდობის მინისტრმა გივი მიქანაძემ საქართველოს პედაგოგთა და მეცნიერთა თავისუფალი პროფკავშირის (სპმთპ) XIII ყრილობაში მიიღო მონაწილეობა.გივი მიქანაძემ აფხაზეთის საჯარო სკოლების საუკეთესო მასწავლებლებისა და ღვაწლმოსილი პედაგოგების დაჯილდოების ღონისძიებაში მიიღო მონაწილეობასაქართველოს განათლების, მეცნიერებისა და ახალგაზრდობის მინისტრმა გივი მიქანაძემ აფხაზეთის საჯარო სკოლების 2026 წლის საუკეთესო მასწავლებლებისა და ღვაწლმოსილი პედაგოგების დაჯილდოების საზეიმო ცერემონიაში მიიღო მონაწილეობა.გაეროს მდგრადი განვითარების თანამშრომლობის ჩარჩოს შედეგების ჯგუფის სამუშაო შეხვედრა გაიმართასაქართველოს განათლების, მეცნიერებისა და ახალგაზრდობის მინისტრის მოადგილის, ბაია კვიციანისა და გაეროს ბავშვთა ფონდის (UNICEF) წარმომადგენლის, იზაბელა კასტროჯოვანის თანათავმჯდომარეობით, „გაეროს მდგრადი განვითარების თანამშრომლობის ჩარჩოს (2026–2030)“ მეორე შედეგების ჯგუფის — „განათლება, ჯანდაცვა და სოციალური დაცვა“ — სამუშაო შეხვედრა გაიმართა.
ყველა სიახლე