ლია გიგაური სამთავრობო კომისიას ანგარიშს წარუდგენს
მინისტრის მოადგილის განცხადებით, სამინისტრო მთელი წლის განმავლობაში ეცნობოდა და ადგენდა ამ რეგიონში არსებული საჯარო სკოლების ინფრასტრუქტურულ და სასწავლო-საგანმანათლებლო საჭიროებებს. ამ ეტაპზე, მიმდინარეობს უკვე შესრულებული სამუშაოების მონიტორინგი და ადგილობრივ მოსახლეობასთან ერთად, მომავალი სამოქმედო გეგმის განსაზღვრა.
ლია გიგაურმა და სამინისტროს სხვა წარმომადგენლებმა მასწავლებლებსა და მოსწავლეებს მიმდინარე სოციალური პროგრამები და განათლებისა და მეცნიერების სამინისტროს სხვა მნიშვნელოვანი პროექტები გააცნეს.
სამთავრობო კომისიის მორიგ სამუშაო შეხვედრაზე ლია გიგაური კომისიის წევრებს ანგარიშს წარუდგენს ადმინისტრაციულ საზღვართან მდებარე საჯარო სკოლებში არსებულ მდგომარეობასთან, სკოლების გათბობის, მოსწავლეთა ტრანსპორტირებისა და სხვა მნიშვნელოვან საკითხებთან დაკავშირებით.
