ვებგვერდი ერთი თვის განმავლობაში მუშაობს სატესტო რეჟიმში. ინფორმაცია შესაძლოა არასრული ან არაზუსტი იყოს.
English

ინფორმაციული ტექნოლოგიების აუდიტის პილოტური პროექტი იწყება

საქართველოს განათლებისა და მეცნიერების სამინისტრო პირველად საქართველოს საჯარო მმართველობაში, IT აუდიტის პილოტურ პროექტს იწყებს. პროექტი საქართველოს ფინანსთა სამინისტროს ჰარმონიზაციის ცენტრისა და გერმანიის საერთაშორისო თანამშრომლობის საზოგადოება ,,GIZ” ორგანიზებით ხორციელდება.

პილოტური პროექტის ფარგლებში, საქართველოს განათლებისა და მეცნიერების სამინისტროს შიდა აუდიტის დეპარტამენტის უფროსთან ალექსანდრე ონოფრიშვილთან IT აუდიტში ჩეხ საერთაშორისო ექსპერტთან პიტერ გრეშლისთან სამუშაო შეხვედრა გაიმართა. 

ალექსანდრე ონოფრიშვილის განცხადებით, მნიშვნელოვანია დეპარტამენტმა მიიღოს საერთაშორისო სტანდარტების შესაბამისი IT აუდიტის გამოცდილება, აუდიტის სამუშაო ჯგუფის წევრებმა შეძლონ ქმედითი რეკომენდაციების გაცემა ინფორმაციული ტექნოლოგიების სფეროში.

პიტერ გრეშლის IT აუდიტში 8 წლიანი, ხოლო IT ბიზნესში, შესაბამისობის აუდიტსა და რისკ-მენეჯმენტში 15 წლიანი გამოცდილება აქვს. საჯარო სექტორში ექსპერტიზა აქვს გაწეული ჩეხეთის განათლების, კულტურისა და სოფლის მეურნეობის სამინისტროებისთვის, სახელმწიფო შიდა ფინანსურ კონტროლთან დაკავშირებულ თემებზე მუშაობდა ალბანეთში, ბოსნიასა და ჰერცოგოვინაში.

,,სახელმწიფო შიდა ფინანსური კონტროლის შესახებ“ საქართველოს კანონი ითვალისწინებს 5 სახის აუდიტის განხორციელებას. ამ ეტაპისათვის, ქვეყანაში ძირითადად მხოლოდ ფინანსური და შესაბამისობის აუდიტი ტარდება. გამონაკლისს წარმოადგენს საქართველოს განათლებისა და მეცნიერების სამინისტროს შიდა აუდიტის დეპარტამენტი, სადაც მიმდინარე წელს, პილოტურ რეჟიმში სისტემური აუდიტი განხორციელდა და ასევე, პილოტურ რეჟიმში ინფორმაციული ტექნოლონგიების აუდიტის განხორციელება დაიწყო.

საქართველოს განათლებისა და მეცნიერების სამინისტროს  შიდა აუდიტის დეპარტამენტი მიღებულ გამოცდილებას შემდგომში  სხვა სამინისტროებს გაუზიარებს.

 

 

 

 

 

 

ᲑᲝᲚᲝ ᲡᲘᲐᲮᲚᲔᲔᲑᲘ

გივი მიქანაძემ პედაგოგთა და მეცნიერთა თავისუფალი პროფკავშირის ღონისძიებაში მიიღო მონაწილეობასაქართველოს განათლების, მეცნიერებისა და ახალგაზრდობის მინისტრმა გივი მიქანაძემ საქართველოს პედაგოგთა და მეცნიერთა თავისუფალი პროფკავშირის (სპმთპ) XIII ყრილობაში მიიღო მონაწილეობა.გივი მიქანაძემ აფხაზეთის საჯარო სკოლების საუკეთესო მასწავლებლებისა და ღვაწლმოსილი პედაგოგების დაჯილდოების ღონისძიებაში მიიღო მონაწილეობასაქართველოს განათლების, მეცნიერებისა და ახალგაზრდობის მინისტრმა გივი მიქანაძემ აფხაზეთის საჯარო სკოლების 2026 წლის საუკეთესო მასწავლებლებისა და ღვაწლმოსილი პედაგოგების დაჯილდოების საზეიმო ცერემონიაში მიიღო მონაწილეობა.გაეროს მდგრადი განვითარების თანამშრომლობის ჩარჩოს შედეგების ჯგუფის სამუშაო შეხვედრა გაიმართასაქართველოს განათლების, მეცნიერებისა და ახალგაზრდობის მინისტრის მოადგილის, ბაია კვიციანისა და გაეროს ბავშვთა ფონდის (UNICEF) წარმომადგენლის, იზაბელა კასტროჯოვანის თანათავმჯდომარეობით, „გაეროს მდგრადი განვითარების თანამშრომლობის ჩარჩოს (2026–2030)“ მეორე შედეგების ჯგუფის — „განათლება, ჯანდაცვა და სოციალური დაცვა“ — სამუშაო შეხვედრა გაიმართა.
ყველა სიახლე