ვებგვერდი ერთი თვის განმავლობაში მუშაობს სატესტო რეჟიმში. ინფორმაცია შესაძლოა არასრული ან არაზუსტი იყოს.
English

WorldSkills Georgia-ს სამუშაო შეხვედრა გაიმართა

საქართველოს განათლებისა და მეცნიერების სამინისტროს, განათლების ხარისხის განვითარების ეროვნული ცენტრის და გერმანიის საერთაშორისო თანამშრომლობის საზოგადოების (GIZ) ორგანიზებით, „ქორთიარდ მარიოტში“ WorldSkills Georgia-ს სამუშაო შეხვედრა გაიმართა. შეხვედრას განათლების მინისტრის პირველი მოადგილე ქეთევან ნატრიაშვილი, განათლების ხარისხის განვითარების ეროვნული ცენტრის დირექტორი ელენე ჯიბლაძე, GIZ-ის პროფესიული განათლების პედაგოგთა და ლიდერთა გადამზადების პროგრამის ხელმძღვანელი სამხრეთ კავკასიაში მიქაელა ოპერმან-გარტნერი, პროფესიული კავშირების გაერთიანების, დამსაქმებელთა ასოციაციისა და სავაჭრო-სამრეწველო პალატის პრეზიდენტები და  კერძო სექტორის წარმომადგენლები ესწრებოდნენ.

წელს, ზაფხულში გერმანიის ქალაქ ლაიფციგში გამართულ WorldSkills International-ის პროფესიული უნარების რიგით 42-ე კონკურსში საქართველო პირველად მონაწილეობდა ასოცირებული წევრის სტატუსით. WorldSkills Georgia-ს გუნდის წევრებმა მიღებული შთაბეჭდილებების და გამოცდილების შესახებ ისაუბრეს შეხვედრაზე.

კონკურსზე საქართველოს სახელით ასპარეზობდნენ ვებდიზაინერი უჩა ღვინიაშვილი, შემდუღებელი ევგენი მოროზოვი და მზარეული თინათინ იორდანიშვილი. აღსანიშნავია, რომ ქართველმა ვებდიზაინერმა უჩა ღვინიაშვილმა, წარმატებული ასპარეზო­ბისთვის 2 მედალი დაიმსახურა. იგი გახდა ქვეყნის საუკეთესო წარმომადგენელი. კონკურსის დახურვის გრანდიოზულ ცერემონიაზე მან მიიღო მედალი Best of Nations და დაჯილდოვდა წარმატების მედლით-Medallion of Excellence.

GIZ-ის წარმომადგენლებმა ისაუბრეს პროფესიული განათლების განვითარებაში გერმანიის საერთაშორისო თანამშრომლობის მიერ გაწეულ წვლილზე. GIZ-ის ექსპერტმა და  WorldSkills Germany-ს სტრატეგიული სამსახურის ხელმძღვანელმა დენი გაუხმა შეკრებილ საზოგადოებას WorldSkills-ის სხვა ქვეყნების გამოცდილება გაუზიარა და სამომავლო გეგმებზე ისაუბრა.

შეხვედრაზე GIZ-ის მხარდაჭერით მომზადებული პროფესიული განათლების პოპულარიზაციის მიზნით მომზადებული კლიპების პრეზენტაციაც გაიმართა.

 

 

 

 

ᲑᲝᲚᲝ ᲡᲘᲐᲮᲚᲔᲔᲑᲘ

გივი მიქანაძემ პედაგოგთა და მეცნიერთა თავისუფალი პროფკავშირის ღონისძიებაში მიიღო მონაწილეობასაქართველოს განათლების, მეცნიერებისა და ახალგაზრდობის მინისტრმა გივი მიქანაძემ საქართველოს პედაგოგთა და მეცნიერთა თავისუფალი პროფკავშირის (სპმთპ) XIII ყრილობაში მიიღო მონაწილეობა.გივი მიქანაძემ აფხაზეთის საჯარო სკოლების საუკეთესო მასწავლებლებისა და ღვაწლმოსილი პედაგოგების დაჯილდოების ღონისძიებაში მიიღო მონაწილეობასაქართველოს განათლების, მეცნიერებისა და ახალგაზრდობის მინისტრმა გივი მიქანაძემ აფხაზეთის საჯარო სკოლების 2026 წლის საუკეთესო მასწავლებლებისა და ღვაწლმოსილი პედაგოგების დაჯილდოების საზეიმო ცერემონიაში მიიღო მონაწილეობა.გაეროს მდგრადი განვითარების თანამშრომლობის ჩარჩოს შედეგების ჯგუფის სამუშაო შეხვედრა გაიმართასაქართველოს განათლების, მეცნიერებისა და ახალგაზრდობის მინისტრის მოადგილის, ბაია კვიციანისა და გაეროს ბავშვთა ფონდის (UNICEF) წარმომადგენლის, იზაბელა კასტროჯოვანის თანათავმჯდომარეობით, „გაეროს მდგრადი განვითარების თანამშრომლობის ჩარჩოს (2026–2030)“ მეორე შედეგების ჯგუფის — „განათლება, ჯანდაცვა და სოციალური დაცვა“ — სამუშაო შეხვედრა გაიმართა.
ყველა სიახლე