კონფერენცია „ზოგადი განათლების სისტემის რეფორმისათვის“ გაიმართა
საქართველოს განათლებისა
და მეცნიერების მინისტრის მოადგილემ ლია გიგაურმა, საზოგადოებრივი ორგანიზაციების
„კოალიცია
განათლება
ყველასათვის-საქართველო“-ს ორგანიზებით გამართულ კონფერენციაში „ზოგადი განათლების სისტემის რეფორმისათვის“ მუშაობაში მიიღო მონაწილეობა.
როგორც გლობალური კამპანია განათლებისთვის (GCE) წევრი ორგანიზაცია, „კოალიცია განათლება ყველასათვის - საქართველო“ ხელს უწყობს განათლება ყველასათვის მიზნების განხორციელებას საქართველოში, რაც გულისხმობს, სხვა მიზნებთან ერთად, ზოგადი განათლების ხარისხის გაუმჯობესებასაც.
კონფერენციაზე კოალიციის წევრმა ორგანიზაციებმა - განათლების პოლიტიკის დაგეგმვისა და მართვის საერთაშორისო ინსტიტუტი და ასოციაცია სკოლა, ოჯახი, საზოგადოება პრობლემის ანალიზი და კოალიციის რეკომენდაციები წარმოადგინეს, რის შემდეგაც დისკუსია გაიმართა შემდეგ საკითხებზე:
- მასწავლებელთა პროფესიული ასოციაციების განვითარების პოლიტიკა
- სკოლის სამეურვეო საბჭოები
კონფერენციაში მონაწილეობას იღებდნენ განათლების სფეროს ექსპერტები, საქართველოს განათლებისა და მეცნიერების სამინისტროს, საერთაშორისო და ადგილობრივი საზოგადოებრივი ორგანიზაციების წარმომადგენლები.
