თამარ სანიკიძე ახალციხელ პედაგოგებს შეხვდა
საქართველოს განათლებისა და მეცნიერების
მინისტრმა თამარ სანიკიძემ ზოგად განათლებაში მიმდინარე
სიახლეები და სამომავლო გეგმები ახალციხელ პედაგოგებსა და დირექტორებს გააცნო. მინისტრის მოადგილემ ლია გიგაურმა მათ მასწავლებლის პროფესიაში შესვლის, განვითარებისა
და კარიერის დაგეგმვის ახალი სქემა წარუდგინა ხოლო,
ახალი სახელფასო პოლიტიკა პედაგოგებს სამინისტროს ეკონომიკური დეპარტამენტის
უფროსმა ლაშა საღინაძემ გააცნო.
შეხვედრის ფარგლებში, მინისტრმა და სამინისტროს სხვა წარმომადგენლებმა პედაგოგთა ყველა შეკითხვას უპასუხეს და მათი შენიშვნები და წინადადებები მოისმინეს. ამავე დღეს, მინისტრმა ახალციხის სკოლების წარჩინებულ კურსდამთავრებულებს ოქროსა და ვერცხლის მედლები გადასცა.
სამუშაო ფორმატში პედაგოგებთან შეხვედრა და სიახლეების წარდგენა მომავალშიც გაგრძელდება. სამინისტროს წარმომადგენლები ყველა რეგიონში ჩავლენ და პირადად გამართავენ შეხვედრებს.
