საქართველოს განათლების, მეცნიერების, კულტურისა და სპორტის სამინისტრო აგრძელებს მეცნიერების წახალისებას და მათ მხარდაჭერას

საქართველოს განათლების, მეცნიერების, კულტურისა და სპორტის სამინისტროში შოთა რუსთაველის საქართველოს ეროვნული სამეცნიერო ფონდის მიერ გამოცხადებული „2018 წლის დოქტორანტურის საგანმანათლებლო პროგრამების გრანტით დაფინანსების კონკურსის” გამარჯვებული მკვლევრების მიღება და მათი პროექტების პრეზენტაცია გაიმართა.

„რეფორმების ფარგლებში მეცნიერების განვითარება და ახალგაზრდა მეცნიერების ჩართულობა ერთ-ერთი მთავარი პრიორიტეტია. შესაბამისად, მოხარული ვარ რომ ბევრი ახალგაზრდა დოქტორანტია ჩართული კვლევებში. მიმდინარე რეფორმების ფარგლებში კიდევ უფრო აქტიურად გავაგრძელებთ მეცნიერების წახალისებას და მათ მხარდაჭერას“ - მიხეილ ბატიაშვილი.

კონკურსი აპრილში გამოცხადდა და 160-მდე საპროექტო განაცხადი შემოვიდა. შეფასების შემდეგ, დასაფინანსებლად 54 პროექტი შეირჩა.