სპორტული ორგანიზაციების აღიარებაზე განაცხადების მიღება დაიწყო
საქართველოს განათლების, მეცნიერების, კულტურისა და სპორტის სამინისტრომ დაიწყო განაცხადების მიღება სპორტული ორგანიზაციების აღიარების საკითხის განხილვის მიზნით. განაცხადებს განიხილავს სამინისტროსთან არსებული სათათბირო ორგანო - „სპორტული ორგანიზაციების აღიარებისა და დაფინანსების საბჭო“. განაცხადების წარმოდგენის ბოლო ვადაა 2021 წლის 1 აპრილი.
აღიარების საკითხის განხილვის მიზნით, სპორტული ორგანიზაციების მიერ წარმოდგენილი უნდა იქნას განცხადება, შემდეგი დანართით:
- რეგისტრაციის ამონაწერი საჯარო რეესტრიდან;
- ორგანიზაციის წესდება;
- შესაბამისი საერთაშორისო ორგანიზაციის წევრობის დამადასტურებელი დოკუმენტი;
- ორგანიზაციის განვითარების სტრატეგია და სამოქმედო გეგმა;
- საქმიანობის ანგარიში დანართი #1-ის შესაბამისად (ორგანიზაციის დაფუძნებიდან დღემდე);
- სპორტსმენთა, მწვრთნელთა და მსაჯთა რაოდენობა დანართი #2-ის შესაბამისად (მონაცემების არსებობის შემთხვევაში, ორგანიზაციის სპეციფიკიდან გამომდინარე).
სპორტული ორგანიზაციის აღიარების საკითხი განხილულ იქნება მხოლოდ იმ შემთხვევაში, თუკი ორგანიზაცია განაცხადის წარმოდგენამდე დაფუძნებულია სულ მცირე 6 თვით ადრე და მისი სამართლებრივი ფორმაა არასამეწარმეო (არაკომერციული) იურიდიული პირი.
საკონტაქტო პირები:
თეო ბარამიძე - 591 30 45 83
მანანა შაფაქიძე - 593 22 34 73
