მიხეილ ჩხენკელი: „ქედს ვიხრით ყველა იმ ადამიანის წინაშე, რომლებმაც დამოუკიდებლობისათვის ბრძოლას საკუთარი სიცოცხლე შესწირეს“
საქართველოს განათლებისა და მეცნიერების მინისტრი მიხეილ ჩხენკელი საქართველოს თითოეულ მოქალაქეს დამოუკიდებლობის დღეს ულოცავს.
„გილოცავთ ჩვენი ქვეყნის უმთავრეს ეროვნულ დღესასწაულს – დამოუკიდებლობის დღეს!
დღევანდელ დღეს, უპირველეს ყოვლისა, პატივს მივაგებთ და ქედს ვიხრით ყველა იმ ადამიანის წინაშე, რომლებმაც დამოუკიდებლობისათვის ბრძოლას საკუთარი სიცოცხლე შესწირეს.
26 მაისი ჩვენი დამოუკიდებელი სახელმწიფოებრივი ისტორიის უმნიშვნელოვანესი თარიღია, რომელიც თავისუფლების იდეალის გამარჯვების სიმბოლოდ იქცა. 1918 და 1991 წლების მოვლენები და სწრაფვა დამოუკიდებლობის მოპოვებისათვის მაგალითია იმისა, როგორ გავაგრძელოთ მტკიცედ სვლა დემოკრატიული განვითრებისაკენ ცოდნაზე დაფუძნებული ევროპული სახელმწიფოს შესაქმნელად.
მსურს, მადლიერება გამოვხატო ჩვენი უცხოელი პარტნიორებისადმი. ფასდაუდებელია მათი თანადგომა და მხარდაჭერა“.
