პროფესიული განათლების მიღების შესაძლებლობა კახეთში
კახეთის რეგიონში, თელავში, კოლეჯმა „პრესტიჟმა“ სრულად რეაბილიტირებულ შენობაში პირველი სტუდენტების მისაღება დაიწყო.
2021 წელს კოლეჯში შეგიძლია აირჩიო შრომის ბაზარზე მოთხოვნადი შემდეგი პროფესიები:
- კომპიუტერული ქსელი და სისტემები
- ინფორმაციის ტექნოლოგიის მხარდაჭერა
- ელექტროობა
- თმის მომსახურება
- კულინარია
- კონდიტერია
- სასტუმრო მომსახურება
- მხატვრული ქსოვა
- სატყეო საქმე
- საოფისე საქმე
კოლეჯში ასევე შეგიძლიათ აირჩიოთ კომპიუტერული ქსელებისა და სისტემების ინტეგრირებული პროგრამა, პროფესიის დაუფლების პარალელურად მიიღოთ სრული ზოგადი განათლება და ატესტატთან გათანაბრებული დიპლომი.
მევენახეობა-მეღვინეობის დუალური პროგრამის არჩევისას შესაძლებლობა გექნებათ კოლეჯის პარალელურად ისწავლოთ რეგიონის ექვს უმსხვილეს საწარმოში და ცოდნის მიღების პარალელურად დააგროვოთ პრაქტიკული სამუშაო გამოცდილება.
2021 წელს კოლეჯი „პრესტიჟი“ სრულად რეაბილიტირებულ სასწავლო ბაზებზე 160-ზე მეტ სტუდენტს მიიღებს.
შეგახსენებთ, რომ პროფესიულ საგანმანათლებლო პროგრამებზე აპლიკანტთა რეგისტრაცია 12 ივლისს დაიწყო და 20 აგვისტოს დასრულდება. რეგისტრაციისთვის ეწვიეთ ვებგვერდს: vet.emis.ge
