პროფესიული განათლების მიღების შესაძლებლობა „გლდანის პროფესიული მომზადების ცენტრში“
კოლეჯი „გლდანის პროფესიული მომზადების ცენტრი“ აგრძელებს პროფესიული განათლების მიღების მსურველთა რეგისტრაციას.
2021 წლისთვის კოლეჯი პროფესიული განათლების მიღების მსურველებს პროფესიათა მრავალფეროვან არჩევანს სთავაზობს:
- გრაფიკული დიზაინი
- ინდუსტრიული დიზაინი
- ვებტექნოლოგიები
- ინფორმაციის ტექნოლოგიები
- ბუღალტრული აღრიცხვა
- სამკერვალო წარმოება
- საოფისე საქმე
- საფინანსო სერვისები
- მსუბუქი ავტომობილის ელექტრო და ელექტრონული სისტემების შეკეთება
- მსუბუქი ავტომობილის სავალი ნაწილის შეკეთება
- მსუბუქი ავტომობილის ძრავას შეკეთება
პროფესიული განათლების მიღების მსურველებს შეუძლიათ დარეგისტრირდნენ ინფორმაციული ტექნოლოგიების დუალურ პროგრამებზე, თეორიული სწავლების პარალელურად, პრაქტიკული სწავლება გაიარონ დამსაქმებლებთან და მიიღონ სამუშაო გამოცდილება.
აპლიკანტებს შეუძლიათ აირჩიონ აზომვით-ტოპოგრაფიული სამუშაოების, გრაფიკული დიზაინისა და კომპიუტერული ქსელებისა და სისტემების ინტეგრირებული პროგრამები, პროფესიის პარალელურად დაეუფლონ სრულ ზოგად განათლებას და მიიღონ სკოლის ატესტატთან გათანაბრებული დიპლომი.
ამასთან, კოლეჯში პროფესიულ სტუდენტებს პირველად უმასპინძლებს ავტოსატრანსპორტო საშუალებებისა და სპეცდანიშნულების ავტოტრანსპორტის სერვისების სრულიად ახალი და თანამედროვე სტანდარტების შესაბამისი სახელოსნო.
კოლეჯის შესახებ დეტალური ინფორმაციისთვის ეწვიეთ ვებგვერდს.
შეგახსენებთ, რომ პროფესიულ საგანმანათლებლო პროგრამებზე აპლიკანტთა რეგისტრაცია 20 აგვისტოს დასრულდება. რეგისტრაციისთვის ეწვიეთ ვებგვერდს: https://vet.emis.ge/
