სამინისტროში საზეიმო შეხვედრა გაიმართა
მიმდინარე წელს სახელმწიფო საქართველოში ებრაელთა დამკვიდრების 26
საუკუნის საიუბილეო თარიღს აღნიშნავს.
იუბილესთან დაკავშირებით, განათლებისა და მეცნიერების
სამინისტროში გაიმართა ღონისძიება, რომელიც
საქართველოში ებრაული ენის კათედრის დამაარსებლის, ცნობილი სემიტოლოგის,
ქართული ჰუმანიტარული სკოლის თვალსაჩინო წარმომადგენლის, აკადემიკოს კონსტანტინე წერეთლის ხსოვნას მიეძღვნა. ღონისძიების ფარგლებში, მინისტრმა
თამარ სანიკიძემ საქართველოში ებრაული ენის პოპულარიზაციაში შეტანილი განსაკუთრებული წვლილისთვის
პროფესორ-მასწავლებლები დააჯილდოვა და საპატიო დიპლომები გადასცა.
ღონისძიებაზე წარმოდგენილი იყო აკადემიკოს კოტე წერეთლის, როგორც საქართველოში ებრაული ენის კათედრის დამაარსებლის მოღვაწეობის ამსახველი დოკუმენტური ფილმი. ებრაული ენის საუნივერსიტეტო სწავლება საქართველოში კოტე წერეთელმა ჯერ კიდევ 1944 წელს დაიწყო და დღემდე წარმატებით მიმდინარეობს, რაც შეეხება აღმოსავლეთმცოდენობის ქართულ სკოლას, იგი ერთ-ერთი ძლიერი სკოლაა მსოფლიოში.
საზეიმო შეხვედრას ესწრებოდნენ: ისრაელის საგანგებო და სრულუფლებიანი ელჩი საქართველოში იუვალ ფუქსი, საქართველოში მცხოვრები ებრაული თემის წარმომადგენლები, ივ. ჯავახიშვილის სახელობის თბილისის სახელმწიფო უნივერსიტეტისა და საქართველოს მეცნიერებათა აკადემიის წარმომადგენლები
