სიახლეები
საქართველოს მდგრადი განვითარების მიზნების (SDGS) ეროვნული საბჭოს სხდომა გაიმართა
საქართველოს მდგრადი განვითარების მიზნების (SDGs) ეროვნულმა საბჭომ საქართველოში მიღწეული წარმატებისა და არსებული გამოწვევების შესახებ იმსჯელა. საბჭოს სხდომას საქართველოს განათლების, მეცნიერების, კულტურისა და სპორტის მინისტრის მოადგილე, ნათია ზედგინიძე დაესწრო, რომელმაც განათლების მიმართულებით არსებულ გამოწვევებზე ისაუბრა.
ამერიკის მთავრობის დაფინანსებით 69 საჯარო სკოლა სრულად რეაბილიტირდა
ათასწლეულის გამოწვევის ფონდის მიერ სრულად რეაბილიტირებულ საჯარო სკოლებს კიდევ ორი სკოლა შეემატა. ამჯერად, საქართველოს განათლების, მეცნიერების, კულტურისა და სპორტის მინისტრის მოადგილემ ნათია ზედგინიძემ, ფონდის აღმასრულებელ დირექტორთან, პარლამენტარებთან და ადგილობრივი თვითმმართველობის წარმომადგენლებთან ერთად, ზესტაფონში ქალაქის მე-6 და მე-7 საჯარო სკოლები გახსნა, სადაც 2000-მდე მოსწავლე სრულად განახლებულ და თანამედროვედ აღჭურვილ გარემოში აგრძელებს სწავლას.
2019 წელს საგანმანათლებლო ინფრასტრუქტურული პროექტებისთვის ბიუჯეტი გასამმაგდა
2019 წელს ინფრასტრუქტურული პროექტებისთვის ბიუჯეტი გასამმაგდა – ამის შესახებ საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა მინისტრის მოადგილესთან ნათია ზედგინიძესთან და მუნიციპალური განვითარების ფონდის დირექტორთან გიორგი შენგელიასთან ერთად განათლების რეფორმის ფარგლებში ინფრასტრუქტურული მიმართულებით დაგეგმილი პროექტების პრეზენტაციაზე განაცხადა.
მიხეილ ბატიაშვილი: „ახალი განათლებისა და მეცნიერების ქალაქი“ გახდება მაღალი ხარისხის განათლების სტანდარტის ნიმუში ჩვენს ქვეყანაში“
საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა, დედაქალაქის მერთან, კახი კალაძესთან და მოწვეულ სტუმრებთან ერთად „ახალი განათლებისა და მეცნიერების ქალაქის“ მშენებლობას ჩაუყარა საფუძველი, რომელიც დავით აღმაშენებლის ხეივნის მე-12კმ-ზე აშენდება.
2018-2019 სასწავლო წლის გაზაფხულის სემესტრის სტუდენტთა მობილობის პროცესი დაიწყო!
უმაღლესი საგანმანათლებლო დაწესებულებების სტუდენტებს წელიწადში ორჯერ ეძლევათ შესაძლებლობა, ისარგებლონ მობილობით და გადავიდნენ სხვა უმაღლეს საგანმანათლებლო დაწესებულებაში.
მიხეილ ბატიაშვილი: „რეფორმის ყველა მიმართულებაზე კონკრეტული ნაბიჯები გადადგმულია და განხორციელება აქტიურ ფაზაში შედის“
განათლების, მეცნიერების, კულტურისა და სპორტის სამინისტრო საზოგადებისათვის განათლების სისტემაში მიმდინარე რეფორმების გაცნობას იწყებს. უხლოეს დღეებში, რეფორმის კონკრეტულ დეტალებს საზოგადოებას თავად მინისტრი მიხეილ ბატიაშვილი გააცნობს, რომელის თქმით, ექსპერტთა ჩართულობით შემუშავებული განათლების რეფორმის ათი პაკეტი, რომელიც ყველა მიმართულებას მოიცავს და მიზანს საზოგადოებისთვის დეტალური ინფორმაციის მიწოდება წარმოადგენს თუ რა გაკეთდა ბოლო თვეების განმავლობაში..jpg)
პროექტი „ახალგაზრდა ხელოვანი“ წარმატებით დასრულდა
განათლების, მეცნიერების, კულტურისა და სპორტის სამინისტროს ბავშვთა და ახალგაზრდობის ეროვნულ ცენტრში ახალგაზრდების მიერ შექმნილი კალენდრისა და წიგნის პრეზენტაცია გაიმართა, რომელიც უსინათლო და მცირემხედველი თანატოლებისთვის არის განკუთვნილი. ღონისძიების ფარგლებში, ნახატების გამოფენა მოეწყო, სადაც კონკურსის მონაწილეების მიერ შექმნილი ნამუშევრები იყო წარმოდგენილი, ლიტერატურული კონკურსის რჩეულებმა - ანდრია კიკონიშვილმა და ელენე არაბულმა კი, საკუთარი მოთხრობები წაიკითხეს.
საჯარო სკოლების მოვლა-პატრონობის პროექტის პილოტირება იწყება
მიმდინარე წლიდან საქართველოს რამდენიმე ათეულ საჯარო სკოლაში მოვლა-პატრონობის სისტემის პილოტირება განხორციელდება. პროგრამის საპილოტე ფაზის სამოქმედო გეგმა, სკოლების ოპერირებისა და მოვლა-პატრონობის სტრატეგია, სისტემა და პროცედურები დღეს, განათლების, მეცნიერების, კულტურისა და სპორტის მინისტრის მოადგილემ ნათია ზედგინიძემ, „ათასწლეულის გამოწვევის ფონდის - საქართველო“ აღმასრულებელმა დირექტორმა მაგდა მაღრაძემ და ფონდის წარმომადგენლებმა საგანმანათლებლო რესურსცენტრების ხელმძღვანელებს გააცნეს.
ქართველი მოსწავლეების მორიგი წარმატება საერთაშორისო ოლიმპიადაზე
მიმდინარე წლის 10-15 იანვარს ქალაქ ალმატიში გამართულ ჟაუტიკოვის ოლიმპიადაში, რომელშიც 18 ქვეყნის 82-მა გუნდმა მიიღო მონაწილეობა საქართველოდან თბილისის კომაროვის და ვეკუას, ხოლო ქუთაისიდან რაზმაძის ფიზიკა-მათემატიკური სკოლის გუნდები მონაწილეობდნენ.
დღიურების კონკურსში გამარჯვებული მოსწავლეები
საქართველოს განათლების, მეცნიერების, კულტურისა და სპორტის სამინისტროს მიერ, ქალთა მიმართ ძალადობის წინააღმდეგ კამპანიის ფარგლებში, მოსწავლეებისთვის დღიურების კონკურსი ჩატარდა, რომელშიც მონაწილეობა მიიღეს საქართველოს ზოგადსაგანმანათლებლო დაწესებულებების VII-XII კლასის მოსწავლეებმა. შემოსული 216 ნამუშევრიდან, ჟიურიმ სამი გამარჯვებული გამოავლინა, რომლებიც დიპლომებით და ფასიანი საჩუქრებით დაჯილდოვდებიან.განათლების, მეცნიერების, კულტურისა და სპორტის სამინისტროს რეკომენდაციები სკოლებს
საქართველოს განათლების, მეცნიერების, კულტურისა და სპორტის სამინისტროსთვის უმთავრესი პრიორიტეტი სკოლის მოსწავლეებისა და პედაგოგების ჯანმრთელობა და უსაფრთხოებაა. სწორედ ამიტომ, მიუხედავად იმისა, რომ გრიპის ვირუსით ავადობის მაჩვენებელი არ მიანიშნებს ეპიდემიაზე, მიზანშეწონილად მიგვაჩნია, გრიპის ვირუსის გავრცელების პრევენციის მიზნით, ზოგადსაგანმანათლებლო დაწესებულებებში 2018-2019 სასწავლო წლის ზამთრის არდადეგები გახანგრძლივდეს 18 იანვრის ჩათვლით.განათლების, მეცნიერების, კულტურისა და სპორტის სამინისტროს განცხადება
სკოლის მოსწავლეებისა და პედაგოგების ჯანმრთელობისა და მათი უსაფრთხოებიდან გამომდინარე, საქართველოს განათლების, მეცნიერების, კულტურისა და სპორტის სამინისტრომ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან კონსულტაციებით, მიიღო გადაწყვეტილება სკოლებში სწავლის გადადების თაობაზე.ზოგადი უნარების გამოცდის ჩატარების პროცედურები და ვადები უმაღლეს საგანმანათლებლო დაწესებულებაში ერთიანი ეროვნული გამოცდების გავლის გარეშე სწავლის უფლების მქონე პირთათვის
საქართველოს მოქალაქეებს, რომლებიც სწავლობდნენ/სწავლობენ და მიღებული აქვთ კრედიტები/კვალიფიკაცია უცხო ქვეყანაში ამ ქვეყნის კანონმდებლობის შესაბამისად აღიარებულ უმაღლეს საგანმანათლებლო დაწესებულებაში და სწავლის პერიოდში უცხო ქვეყანაში იმყოფებოდნენ არანაკლებ ერთი სემესტრისა (75 დღე), უფლება აქვთ ზოგადი უნარების გამოცდის ჩაბარების საფუძველზე მოიპოვონ საქართველოს უმაღლეს საგანმანათლებლო დაწესებულებაში სწავლის გაგრძელების უფლება. გამოცდის ჩატარებას შეფასებისა და გამოცდების ეროვნული ცენტრი უზრუნველყოფს."საერთაშორისო სასწავლო ოლიმპიადების ქვეპროგრამის" ფარგლებში განაცხადების მიღება დაიწყო
საქართველოს განათლების, მეცნიერების, კულტურისა და სპორტის სამინისტრომ დაიწყო პროექტების/განაცხადების მიღება "წარმატებულ მოსწავლეთა წახალისების პროგრამის" "საერთაშორისო სასწავლო ოლიმპიადების ქვეპროგრამის" ფარგლებში.სამინისტრო მწუხარებას გამოთქვამს ელგუჯა ბერძენიშვილის გარდაცვალების გამო
საქართველოს განათლების, მეცნიერების, კულტურისა და სპორტის სამინისტრო მწუხარებას გამოთქვამს საქართველოს სახალხო მხატვრის მონუმენტალისტის, ფერმწერის, გრაფიკოსის ელგუჯა ბერძენიშვილის გარდაცვალების გამო.
მიხეილ ბატიაშვილი - განათლების რეფორმის ფარგლებში ერთ-ერთი უმნიშვნელოვანესი პრიორიტეტი ქართული ენის სწავლების მაქსიმალური ხელშეწყობაა
ზურაბ ჟვანიას სახელობის სახელმწიფო ადმინისტრირების სკოლის სამუშაო ჯგუფისა და UNHCR-ის რეგიონული წარმომადგენლობის მიერ, პირველად საქართველოში, ახალი სასწავლო რესურსი „ისწავლე ქართული აუდიოგაკვეთილებით“ შეიქმნა. პროექტის პრეზენტაცია დღეს საქართველოს განათლების, მეცნიერების, კულტურისა და სპორტის სამინისტროში გაიმართა.
ირინა აბულაძე - რეფორმის ფარგლებში, სამინისტრო გეგმავს ახალგაზრდა მეცნიერების მაქსიმალურ ხელშეწყობას უცხოელ კოლეგებთან ერთად ადგილობრივ და საერთაშორისო კვლევებში ჩართულობისთვის
შოთა რუსთაველის საქართველოს ეროვნული სამეცნიერო ფონდისა და გერმანიის აკადემიური გაცვლის სამსახურის ( DAAD) ერთობლივი სასტიპენდიო პროგრამის “Rustaveli-DAAD” ფარგლებში, შემაჯამებელი კონფერენცია გაიმართა, რომელსაც განათლების, მეცნიერების, კულტურისა და სპორტის მინისტრის მოადგილე, ირინა აბულაძე დაესწრო.
მოსწავლეები მანდატურებთან ერთად საახალწლო ფილმის ჩვენებას დაესწრნენ
სსიპ საგანმანათლებლო დაწესებულების მანდატურის სამსახურის ინიციატივით, სკოლის მოსწავლეებისათვის, კინოთეატრ ამირანში მხატვრული ფილმის „მაკნატუნა“ ჩვენება გაიმართა. საქველმოქმედო აქციის მიზანს მანდატურსა და მოსწავლეს შორის კომუნიკაციისა და მეგობრული ურთოერთობის გაღრმევება წარმოადგენს.
სამინისტრომ ინკლუზიური პროფესიული განათლების სფეროში მიღწეული შედეგები შეაჯამა
საქართველოს განათლების, მეცნიერების, კულტურისა და სპორტის სამინისტროს პროფესიული განათლების განვითარების დეპარტამენტში ინკლუზიური პროფესიული განათლების საკითხების განსახილველად საგანმანათლებლო დაწესებულებების დირექტორებთან შეხვედრა გაიმართა.
განათლების რეფორმის ფარგლებში სკოლებში კომპიუტერული სწავლების ახალი კონცეფცია შეიქმნა
საქართველოს განათლების, მეცნიერების, კულტურისა და სპორტის სამინისტროს ისტ-ის მიმართულების ექსპერტმა, სანდრო ასათიანმა, ინფორმაციულ-საკომუნიკაციო ტექნოლოგიების მასწავლებლებს კომპიუტერული ტექნოლოგიების სწავლა-სწავლების ახალი კონცეფცია წარუდგინა.
მანდატურის სამსახურის ფსიქოლოგიური მომსახურების ცენტრს სრული რეაბილიტაცია ჩაუტარდა
სსიპ საგანმანათლებლო დაწესებულების მანდატურის სამსახურის თბილისის ფსიქოლოგიური მომსახურების ცენტრს რეაბილიტაცია ჩაუტარდა. სრულად გარემონტდა თერაპიის ოთახები, დერეფნები, მოსაცდელი დარბაზი. თერაპიის ოთახები აღიჭურვა ბავშვებისთვის საჭირო ინვენტარით.სიახლეები ვერ მოიძებნა.