სიახლეები
მიხეილ ჩხენკელმა 2022 წლის მასწავლებლის ეროვნული ჯილდოს გადაცემის ცერემონია გახსნა
5 ოქტომბერს, მასწავლებლის საერთაშორისო დღესთან დაკავშირებით მასწავლებლის ეროვნული ჯილდოს გადაცემის ცერემონია გაიმართა, რომელიც საქართველოს განათლებისა და მეცნიერების მინისტრმა მიხეილ ჩხენკელმა გახსნა. მინისტრმა დამსწრე საზოგადოებას სიტყვით მიმართა, ყველა პედაგოგს, კონკურსის ფინალისტებს, პროფესიული დღე მიულოცა და მომავალი თაობის აღზრდის საქმეში მასწავლებლების როლის მნიშვნელობაზე ისაუბრა.
ნუნუ მიცკევიჩმა საქართველოს ტექნიკურ უნივერსიტეტში 100 წლის იუბილესადმი მიძღვნილ სიმპოზიუმში მიიღო მონაწილეობა
საქართველოს განათლებისა და მეცნიერების სამინისტროს მხარდაჭერით საქართველოს ტექნიკურ უნივერსიტეტში 100 წლისთავისადმი მიძღვნილი საიუბილეო სიმპოზიუმი გაიმართა, რომელშიც მონაწილეობა საქართველოს განათლებისა და მეცნიერების მინისტრის მოადგილე ნუნუ მიცკევიჩმა მიიღო. ნუნუ მიცკევიჩი სიტყვით გამოსვლისას დამსწრე საზოგადოებას მიესალმა, საქართველოს ტექნიკური უნივერსიტეტის სამეცნიერო საზოგადოებას საქართველოს განათლებისა და მეცნიერების მინისტრის, მიხეილ ჩხენკელის სახელით იუბილე მიულოცა და სამომავლო საქმიანობაში წარმატებები უსურვა.
მიხეილ ჩხენკელი მასწავლებლებს პროფესიულ დღეს ულოცავს
საქართველოს განათლებისა და მეცნიერების მინისტრი მიხეილ ჩხენკელი მასწავლებლის საერთაშორისო დღესთან დაკავშირებით პედაგოგებს მიმართავს და პროფესიულ დღეს ულოცავს.
მიხეილ ჩხენკელმა თურქეთის რესპუბლიკის ახლად დანიშნულ ელჩს უმასპინძლა
საქართველოს განათლებისა და მეცნიერების მინისტრმა მიხეილ ჩხენკელმა გაცნობითი ხასიათის შეხვედრა გამართა თურქეთის რესპუბლიკის ახლად დანიშნულ საგანგებო და სრულუფლებიან ელჩთან ალი ქაან ორბაისთან. შეხვედრისას მხარეებმა განათლებისა და მეცნიერების მიმართულებით არსებული და სამომავლო თანამშრომლობის საკითხები განიხილეს.
მიხეილ ჩხენკელი ბათუმის პირველ საჯარო სკოლაში სასწავლო პროცესის მიმდინარეობას გაეცნო
საქართველოს განათლებისა და მეცნიერების მინისტრი მიხეილ ჩხენკელი აჭარაში სამუშაო ვიზიტის ფარგლებში ქალაქ ბათუმის პირველ საჯარო სკოლას ეწვია, სასწავლო პროცესის მიმდინარეობას გაეცნო და მოსწავლეებსა და მასწავლებლებს ახალი სასწავლო წლის დაწყება კიდევ ერთხელ პირადად მიულოცა.
ბათუმში თანამედროვე სტანდარტების შესაბამისი ახალი საჯარო სკოლა აშენდება
ბათუმში თანამედროვე სტანდარტების შესაბამისი ახალი საჯარო სკოლა აშენდება. მშენებლობის ადგილზე სიმბოლური კაფსულის ჩადების ცერემონია გაიმართა, რომელშიც მონაწილეობა საქართველოს განათლებისა და მეცნიერების მინისტრმა მიხეილ ჩხენკელმა, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძესთან და აჭარის ა/რ განათლების, კულტურისა და სპორტის მინისტრ მაია ხაჯიშვილთან ერთად მიიღო. მიხეილ ჩხენკელმა დამსწრე საზოგადოებას სიტყვით მიმართა და მთელი საქართველოს მასშტაბით საგანმანათლებლო ინფრასტრუქტურის განვითარების მნიშვნელობაზე გაამახვილა ყურადღება.
მეცნიერებისა და ინდუსტრიის თანამშრომლობის გაძლიერების მიმართულებით საერთაშორისო კონფერენცია გაიმართა
საქართველოს ტექნიკურ უნივერსიტეტში, ევროკავშირის პროგრამების მხარდაჭერითა და საქართველოს განათლებისა და მეცნიერების სამინისტროსა და შოთა რუსთაველის საქართველოს ეროვნულ სამეცნიერო ფონდთან თანამშრომლობით საერთაშორისო სამეცნიერო კონფერენცია – „მეცნიერებისა და ინდუსტრიის თანამშრომლობის ხელშეწყობა კვლევისა და ინოვაციის ერთობლივი პრიორიტეტებით“ გაიმართა. ღონისძიება, რომელიც მიზნად ისახავდა კვლევისა და ინოვაციების განვითარების ხელშეწყობას, საქართველოს განათლებისა და მეცნიერების მინისტრის მოადგილე ნუნუ მიცკევიჩმა გახსნა.
ბაკალავრიატის სტუდენტებისთვის კონკურსი „ნამდვილი თუ მოგონილი?!‘‘ გამოცხადდა
საქართველოს განათლებისა და მეცნიერების სამინისტროს მხარდაჭერით კომუნიკაციების კომისიამ და მედია აკადემიამ ბაკალავრიატის სტუდენტებისთვის კონკურსი – „ნამდვილი თუ მოგონილი?!‘‘ გამოაცხადა, რომლის მიზანს წარმოადგენს ახალგაზრდებში ლოგიკური და კრიტიკული აზროვნების, ანალიზისა და ფაქტების გადამოწმების, მედიაწიგნიერებისთვის საჭირო უნარ-ჩვევების განვითარება.
მე-12 კლასის ექსტერნის გამოცდების თარიღები ცნობილია
საქართველოს განათლებისა და მეცნიერების სამინისტრომ მე-12 კლასში შემავალი საგნების ზოგადსაგანმანათლებლო სასწავლო პროგრამების ექსტერნატის ფორმით დაძლევის გამოცდების განრიგი დაამტკიცა. მე-12 კლასში შემავალი საგნების (ქართული ენა და ლიტერატურა, მათემატიკა, ისტორია, ინგლისური ენა, სამოქალაქო თავდაცვა და უსაფრთხოება) ზოგადსაგანმანათლებლო სასწავლო პროგრამების ექსტერნატის ფორმით დაძლევის გამოცდა ტარდება ცენტრალიზებულად, სამინისტროს სისტემაში შემავალი სსიპ განათლების მართვის საინფორმაციო სისტემის მიერ, ელექტრონული ფორმით, სისტემის მიერ შერჩეულ სკოლებში.
26 სექტემბერი ენების ევროპული დღეა
საქართველოს განათლებისა და მეცნიერების სამინისტრო გილოცავთ ენების ევროპულ დღეს! 26 სექტემბერს საქართველოში, ისევე როგორც ევროპაში, ენობრივი და კულტურული მრავალფეროვნების აღსანიშნავად საზეიმო ღონისძიებები იმართება.
ქუთაისის საერთაშორისო უნივერსიტეტის ადრონული თერაპიის ცენტრის სამეცნიერო-კვლევით პროცესში ჰარვარდის უნივერსიტეტის მედიცინის ფაკულტეტის წამყვანი პროფესორები ჩაერთვებიან
ამერიკის შეერთებულ შტატებში სამუშაო ვიზიტით მყოფმა საქართველოს განათლებისა და მეცნიერების მინისტრმა მიხეილ ჩხენკელმა ჰარვარდის უნივერსიტეტის მედიცინის ფაკულტეტის პროფესორებთან თომას ბორტფელდთან და ბენჯამინ კლასისთან გამართა შეხვედრა. მხარეებმა ქუთაისის საერთაშორისო უნივერსიტეტის ადრონული თერაპიის ცენტრის სამეცნიერო-კვლევით პროცესში ჰარვარდის უნივერსიტეტის მედიცინის ფაკულტეტის წამყვანი პროფესორების ჩართულობის საკითხები განიხილეს.
მიხეილ ჩხენკელი ჰარვარდის უნივერსიტეტის დევისის ცენტრის ქართველოლოგიის პროგრამის სტუდენტებს შეხვდა და ფილმის „დიდება დედოფალს“ ჩვენებას დაესწრო
ამერიკის შეერთებულ შტატებში სამუშაო ვიზიტით მყოფმა საქართველოს განათლებისა და მეცნიერების მინისტრმა მიხეილ ჩხენკელმა ჰარვარდის უნივერსიტეტის დევისის ცენტრის ქართველოლოგიის პროგრამის სტუდენტებთან შეხვედრა გამართა. შეხვედრას ჰარვარდის უნივერსიტეტის დევისის ცენტრის ქართველოლოგიის პროგრამის ხელმძღვანელი სტივენ ჯონსი ესწრებოდა.
მიხეილ ჩხენკელმა ჰარვარდის უნივერსიტეტის დევისის ცენტრის ხელმძღვანელებთან ქართველოლოგიის პროგრამის განვითარების დეტალები განიხილა
საქართველოს განათლებისა და მეცნიერების მინისტრმა მიხეილ ჩხენკელმა, ამერიკის შეერთებულ შტატებში ვიზიტის ფარგლებში, ჰარვარდის უნივერსიტეტის დევისის ცენტრის ხელმძღვანელებთან შეხვედრა გამართა, სადაც მხარეებმა ქართველოლოგიის პროგრამის განვითარების დეტალებზე ისაუბრეს.
ინკლუზიური განათლების მხარდამჭერი სისტემის მოდელის წარდგენის ღონისძიება გაიმართა
საქართველოს განათლებისა და მეცნიერების სამინისტროს მხარდაჭერით ინკლუზიური განათლების მხარდამჭერი ახალი ეროვნული სისტემის მოდელის წარდგენის ღონისძიება გაიმართა, რომელიც სამწლიანი პროექტის „არც ერთი ბავშვი განათლების გარეშე“ ფარგლებში შემუშავდა.
დიასპორის მოსწავლეებისთვის კონკურსი „ქართული ანბანის ელჩები“ გამოცხადდა
საქართველოს განათლებისა და მეცნიერების სამინისტროს მეცნიერების პოპულარიზაციის პროგრამის ფარგლებში თსუ არნოლდ ჩიქობავას სახელობის ენათმეცნიერების ინსტიტუტი ქართული დიასპორის მოსწავლეებისათვის აცხადებს კონკურსს – „ქართული ანბანის ელჩები“.
თამარ მახარაშვილმა აფხაზეთის მთავრობის წარმომადგენლებთან ოკუპირებულ ტერიტორიაზე არსებული სკოლების მხარდამჭერი პროგრამები განიხილა
საქართველოს განათლებისა და მეცნიერების მინისტრის პირველმა მოადგილე თამარ მახარაშვილმა აფხაზეთის ა/რ მთავრობის თავმჯდომარე რუსლან აბაშიძესთან და აფხაზეთის განათლებისა და კულტურის მინისტრ ეკა ხოფერიასთან სამუშაო შეხვედრა გამართა და ოკუპირებულ ტერიტორიაზე არსებული სკოლების მხარდამჭერი პროგრამების განვითარების კუთხით სამომავლო გეგმები განიხილა.
მიხეილ ჩხენკელმა გაეროს გენერალური ასამბლეის ფარგლებში გამართულ „განათლების ტრანსფორმაციის“ სამიტის გახსნაში მიიღო მონაწილეობა
საქართველოს დელეგაცია, პრემიერ-მინისტრ ირაკლი ღარიბაშვილის ხელმძღვანელობით, ნიუ-იორკში სამუშაო ვიზიტით იმყოფება. დელეგაციის წევრებს შორის არის საქართველოს განათლებისა და მეცნიერების მინისტრი მიხეილ ჩხენკელი, რომელმაც მონაწილეობა მიიღო გაეროს გენერალური ასამბლეის 77-ე სესიის ფარგლებში გამართულ „განათლების ტრანსფორმაციის მაღალი დონის სამიტის“ გახსნაში. ღონისძიება გაეროს გენერალურმა მდივანმა ანტონიო გუტიერეშმა გახსნა.
საქართველომ ახალგაზრდა ნატურალისტთა (IYNT) მე-10 საიუბილეო ტურნირს უმასპინძლა
2022 წელს საქართველომ საერთაშორისო სამეცნიერო ღონისძიებას – ახალგაზრდა ნატურალისტთა (IYNT) მე-10 საიუბილეო ტურნირს ბაქსვუდის სკოლაში უმასპინძლა.
მიხეილ ჩხენკელმა 86-ე ახლად აშენებულ საჯარო სკოლაში მოსწავლეებს სასწავლო წლის დაწყება პირადად მიულოცა
საქართველოს განათლებისა და მეცნიერების მინისტრმა მიხეილ ჩხენკელმა თბილისში ახლად აშენებული 86-ე საჯარო სკოლა გახსნა და მოსწავლეებსა და მასწავლებლებს 2022-2023 სასწავლო წლის დაწყება პირადად მიულოცა.
მიხეილ ჩხენკელი სასკოლო საზოგადოებას ახალი სასწავლო წლის დაწყებას ულოცავს
საქართველოს განათლებისა და მეცნიერების მინისტრი მიხეილ ჩხენკელი მოსწავლეებს, მასწავლებლებს, მშობლებსა და სრულიად სასკოლო საზოგადოებას 2022-2023 სასწავლო წლის დაწყებას ულოცავს.სიახლეები ვერ მოიძებნა.