სიახლეები
ვანის მუნიციპალიტეტის სოფელ ინაშაურის საჯარო სკოლის რეაბილიტაცია დასრულდა
ვანის მუნიციპალიტეტის სოფელ ინაშაურის საჯარო სკოლის სარეაბილიტაციო სამუშაოები დასრულდა. სკოლის შენობა 200 მოსწავლეზეა გათვლილი და სრულად შეესაბამება საერთაშორისო სტანდარტებს.
მირანდა იაკობიძე – ქართულის, როგორც მეორე ენის მასწავლებელი
„ჩემი დიდი სურვილია, რომ ეთნიკური უმცირესობები სრულად ინტეგრირდნენ ქართულ საზოგადოებაში და დაუბრკოლებლად შეძლონ საკუთარი შესაძლებლობების გამოვლენა და რეალიზება. დარწმუნებული ვარ, სახელმწიფოც გააგრძელებს არჩეულ კურსს და ამ მიმართულებით კიდევ უფრო ეფექტურ ნაბიჯებს გადადგამს“, – აცხადებს მირანდა იაკობიძე, რომელიც ქართულს, როგორც მეორე ენას წალკის მუნიციპალიტეტის სოფელ ოზნის საჯარო სკოლის მოსწავლეებს თითქმის ათი წელია ასწავლის. პარალელურად სახელმწიფო ენას მირანდა ზურაბ ჟვანიას სახელობის სახელმწიფო ადმინისტრირების სკოლის ბენეფიციარებს, ხოლო პროგრამის „ქართული ენის დისტანციური სწავლების“ ფარგლებში ემიგრანტ ბავშვებს ასწავლის.
400-ზე მეტ სკოლაში მასწავლებელთა სავალდებულო ტესტირებას სკოლის ექიმები უზრუნველყოფენ
400-ზე მეტ საჯარო და კერძო სკოლაში თანამშრომლებისთვის კოვიდტესტირების ჩატარება სკოლის ექიმებმა დაიწყეს. საქართველოს განათლებისა და მეცნიერების სამინისტროს მხარდაჭერით, სკოლის ექიმები დაავადებათა კონტროლისა და საზოგადოებრივი ჯანმრთელობის ეროვნული ცენტრის წარმომადგენლებმა გადაამზადეს.
საქართველოს ტექნიკური უნივერსიტეტის მეცნიერთა ჯგუფმა CERN-ის ერთ-ერთ უდიდეს CMS ექსპერიმენტში მორიგ წარმატებას მიაღწია
საქართველოს ტექნიკური უნივერსიტეტის მეცნიერთა ჯგუფმა, იური ბაღათურიას, ოთარ კემულარიას და ირაკლი ლომიძის შემადგენლობით, CERN-ის ერთ-ერთ უდიდეს CMS ექსპერიმენტში, რომელიც დიდ ადრონულ კოლაიდერზე მუშაობს, მორიგ წარმატებას მიაღწია. საქართველოს ტექნიკური უნივერსიტეტის მეცნიერებმა საინჟინრო მიმართულებით შეძლეს ახალი კამერების ელექტრონიკის გაციების სისტემის მოდელირება, შექმნეს სამუშაო ნახაზები და დაამზადეს პროტოტიპები.
თამარ კვინიკაძე – ქართულის, როგორც მეორე ენის მასწავლებელი
სკოლის მასწავლებლობა თამარ კვინიკაძის ბავშვობის ოცნება იყო. მეორე კურსზე ოცნება აუხდა და უნივერსიტეტში სწავლის პარალელურად ხაშურის სოფელ ხცისის საჯარო სკოლის ქართული ენისა და ლიტერატურის მასწავლებელი გახდა. ამჟამად ქართულ ენას ის ახალქალაქის მუნიციპალიტეტის სოფელ კარწახის საჯარო სკოლის მოსწავლეებს ასწავლის და იმისათვის, რომ ეთნიკური უმცირესობების მოსწავლეებს ქართულ გარემოსთან კიდევ უფრო მეტი შეხება ჰქონოდათ, საყვარელი სკოლები ერთმანეთთან დაამეგობრა.
სკოლებში უსაფრთხო გარემოს უზრუნველსაყოფად Covid-19-ზე მასწავლებელთა ტესტირება ინტენსიურად მიმდინარეობს
სასკოლო სივრცეში სასწავლო პროცესის განახლებასთან ერთად, ინტენსიურ რეჟიმში მიმდინარეობს მასწავლებელთა და ადმინისტრაციული პერსონალის ტესტირების პროცესი. როგორც ცნობილია, საქართველოს განათლებისა და მეცნიერების სამინისტროს მხარდაჭერით, დაავადებათა კონტროლისა და საზოგადოებრივი ჯანმრთელობის ეროვნული ცენტრის წარმომადგენლებმა 400-ზე მეტი საჯარო და კერძო სკოლის ექიმი გადაამზადეს. სწორედ გადამზადებული ექიმები უზრუნველყოფენ აღნიშნულ სკოლებში Covid-19-ზე თანამშრომელთა ტესტირებას. ხოლო იმ სკოლებში, სადაც ექიმები ჯერ არ გადამზადებულან, ტესტირების პროცესი დაავადებათა კონტროლისა და საზოგადოებრივი ჯანმრთელობის ეროვნული ცენტრის ორგანიზებით გაგრძელდება.
ნინო მჟავანაძე უფროსი სპეციალური მასწავლებელი
ნინო მჟავანაძე ნეიროგანვითარების ცენტრში სტაჟირების პერიოდში აქტიურად მუშაობდა სპეციალური საგანმანათლებლო საჭიროების მქონე მოსწავლეებთან. სწორედ მაშინ მიხვდა, რომ ინკლუზიური განათლება უპირველესად განსხვავებულობისა და მრავალფეროვნების მიმღებლობას ნიშნავს, რაც შემდგომ არა მხოლოდ სპეციალური საგანმანათლებლო საჭიროების მქონე მოსწავლისთვის, არამედ მთლიანად საზოგადოებისთვის კეთილდღეობის საწინდარი ხდება.
მასწავლებელთა და მოსწავლეთათვის უსაფრთხო გარემოს უზრუნველსაყოფად, განათლებისა და მეცნიერების სამინისტროს წარმომადგენლების მხრიდან თბილისსა და საქართველოს ყველა რეგიონში სკოლების მონიტორინგი უწყვეტ რეჟიმში გრძელდება
ეპიდემიოლოგიური ვითარების გათვალისწინებით, სკოლებში ვირუსის მართვაზე კონტროლი მაქსიმალურად მკაცრად მიმდინარეობს. შიდა გავრცელების თავიდან ასაცილებლად სკოლები ჯანდაცვის რეკომენდაციების შესაბამისად მოქმედებენ და ცალკეული კლასი ან სკოლა მყისიერად გადადის დისტანციურ სწავლებაზე. სწორედ ეპიდემიოლოგების რეკომენდაციის გათვალისწინებით, ამ ეტაპზე ქვეყნის მასშტაბით სრულად დისტანციურ სწავლებაზე 201 სკოლა და 304 ცალკეული კლასი იმყოფება. რაც შეეხება პედაგოგებს, სწავლების დისტანციურ ფორმატში წარმართვის სურვილი რისკის ჯგუფის 125-მა მასწავლებელმა გამოთქვა.
საირმის ტურიზმისა და გასტრონომიის აკადემიის კურსდამთავრებულებს საერთაშორისო სერტიფიკატები გადაეცათ
„საირმის ტურიზმისა და გასტრონომიის აკადემიის“ კურსდამთავრებულებს პროფესიული პროგრამის, „სასტუმროს ოთახების მართვა“, წარმატებით დასრულებისთვის ადგილობრივი და საერთაშორისო პარტნიორების მიერ აღიარებული სერტიფიკატები გადაეცათ.
თამარ მახარაშვილმა განათლების ხარისხის განვითარების ეროვნული ცენტრის საერთაშორისო კონფერენცია გახსნა
საქართველოს განათლებისა და მეცნიერების მინისტრის პირველმა მოადგილე თამარ მახარაშვილმა 2022 წლის განათლების ხარისხის განვითარების ეროვნული ცენტრის ყოველწლიური საერთაშორისო კონფერენცია გახსნა, მონაწილეებს სიტყვით მიმართა და წარმატებები უსურვა.
გიორგი ელიავა - 130
ცნობილი ქართველი მეცნიერის, გიორგი ელიავას დაბადებიდან 130 წელი შესრულდა. 100 წლის წინ მისი თაოსნობით დაარსდა თბილისის ბაქტერიოლოგიური ინსტიტუტი, რომლის დირექტორიც თავად იყო. პარალელურად, 1927 წლიდან განაგებდა თსუ ჰიგიენის, ხოლო 1929 წლიდან – მიკრობიოლოგიის კათედრებს. ამასთან, გიორგი ელიავას ინიციატივით, 1936 წლიდან დაარსდა ბაქტერიოფაგის საკავშირო სამეცნიერო-კვლევითი ინსტიტუტი.
X კლასის სასკოლო სახელმძღვანელოებზე გრიფირება გამოცხადდა
ზოგადი განათლების საშუალო საფეხურის X კლასის საგნების სასკოლო სახელმძღვანელოებზე გრიფირება გამოცხადდა და განისაზღვრა შესაბამისი პირობები.
24 იანვარი განათლების საერთაშორისო დღეა
24 იანვარს განათლების საერთაშორისო დღე მთელი მსოფლიოს მასშტაბით წელს მეოთხედ აღინიშნება.
ნოვრასტა მუსტაფაევი – ქართულის, როგორც მეორე ენის უფროსი მასწავლებელი
„ვერასდროს ვიფიქრებდი, რომ მასწავლებელი გავხდებოდი, მაგრამ ზუსტად იქ ვარ, სადაც უნდა ვიყო და სადაც ყველაზე მეტად საჭიროა ჩემი ყოფნა“, – ამბობს ქართულის, როგორც მეორე ენის უფროსი მასწავლებელი ნოვრასტა მუსტაფაევი, რომელიც მარნეულის მუნიციპალიტეტის სოფელ ულაშლოს საჯარო სკოლაში 3 წელია სახელმწიფო ენას ასწავლის.
ლანა მთიბელაშვილი – უფროსი სპეციალური მასწავლებელი
ლანა მთიბელაშვილს ყოველთვის აინტერესებდა ის პროფესიები, რომლებიც ბავშვებთან არის დაკავშირებული, ამიტომაც სწორედ მათი სიყვარული აღმოჩნდა გადამწყვეტი პროფესიის არჩევისას.
პანდემიის პირობებში სკოლებში გაზაფხულის სემესტრი მაქსიმალურად უსაფრთხო გარემოში მიმდინარეობს
2021-22 სასწავლო წლის გაზაფხულის სემესტრი სკოლებში 17 იანვარს განახლდა. ბოლო კვირის მონაცემებით, კორონავირუსი მასწავლებელთა 0,8%-ს, ხოლო მოსწავლეების 0,1%-ს დაუდასტურდა.
პროექტი „მასწავლებელთა ონლაინ საზოგადოება" გრძელდება
საქართველოს განათლებისა და მეცნიერების სამინისტროს, მასწავლებელთა პროფესიული განვითარების ეროვნული ცენტრისა და ბრიტანეთის საბჭოს ინიციატივით ინგლისური ენის მასწავლებლებს წელსაც ეძლევათ შესაძლებლობა, ჩაერთონ პროექტში „მასწავლებელთა ონლაინ საზოგადოება - საქართველო“.
საქართველოს ტექნიკური უნივერსიტეტი 100
საქართველოს ტექნიკური უნივერსიტეტი 100 წლისაა. პირველი საიუბილეო ღონისძიება საქართველოს პრემიერ-მინისტრმა ირაკლი ღარიბაშვილმა განათლებისა და მეცნიერების მინისტრთან მიხეილ ჩხენკელთან ერთად გახსნა.
17 იანვარს სასწავლო პროცესის განსაახლებლად ყველა სკოლა სრულ მზადყოფნაშია
17 იანვარს სასწავლო პროცესის სკოლის შენობებში განსაახლებლად საქართველოს ყველა საჯარო და კერძო სკოლა სრულ მზადყოფნაშია.
მიხეილ ჩხენკელი აკადემიკოს მზექალა შანიძეს იუბილეს ულოცავს
საქართველოს განათლებისა და მეცნიერების მინისტრი მიხეილ ჩხენკელი აკადემიკოს მზექალა შანიძეს 96 წლის იუბილეს ულოცავს.სიახლეები ვერ მოიძებნა.