სიახლეები
პროფესიული განათლების მიღების შესაძლებლობა იმერეთში
კოლეჯ „იბერიის“ ქუთაისისა და ბაღდათის სასწავლო ბაზებზე შესაძლებელია თანამედროვე პროფესიული განათლების მიღება და შრომის ბაზარზე მოთხოვნადი პროფესიების შესწავლა
მაკო თეთრაული – N5 საჯარო სკოლის უფროსი სპეციალური მასწავლებელი
მაკო თეთრაული სპეციალურ მასწავლებლად იმ დროიდან მუშაობს, რაც სკოლებში ინკლუზიური განათლება ფეხს იდგამდა, იმ პერიოდიდან, როდესაც საზოგადოებაში ინკლუზიური განათლების შესახებ სრული ვაკუუმი იყო და ამ სიცარიელის შევსებაში მთავარი როლი სპეციალურ მასწავლებლებს ეკისრებოდათ.
სამუშაოზე დაფუძნებული სწავლების მარეგულირებელი ჩარჩო მომზადდა
საქართველოს განათლებისა და მეცნიერების სამინისტრომ კერძო სექტორთან და პარტნიორ საერთაშორისო ორგანიზაციებთან, გერმანიის საერთაშორისო თანამშრომლობის საზოგადოებასა (GIZ) და გაეროს განვითარების პროგრამასთან (UNDP) თანამშრომლობით, სამუშაოზე დაფუძნებული სწავლების მარეგულირებელი დოკუმენტები შეიმუშავა, რომელსაც მთავრობას წარუდგენს
შრომის უსაფრთხოების დესპანების გადამზადება დაიწყო
სამუშაო ადგილებზე კორონავირუსის გავრცელების პრევენციის მიზნით, შრომის უსაფრთხოების დესპანების გადამზადება დაიწყო. პროექტისთვის შერჩეული სტუდენტები სწავლებას ონლაინ რეჟიმში გადიან. მოსამზადებელი კურსის ფარგლებში, ისინი „იზოლაციისა და კარანტინის წესების შესახებ“ საქართველოს მთავრობის N322 დადგენილებით განსაზღვრულ ძირითად ასპექტებს ეცნობიან, იღებენ დეტალურ ინფორმაციას სექტორულ რეკომენდაციებზე. გადამზადების შემდეგ მოხალისეები სამუშაო ადგილებზე დამსაქმებელთა და დასაქმებულთა ცნობიერების ამაღლების პროცესში შრომის ინსპექტორებთან ერთად ჩაერთვებიან.
USAID-ის საბაზისო განათლების პროგრამის ფარგლებში წარმატებული პედაგოგები დაჯილდოვდნენ
განსაკუთრებული მიღწევებისთვის USAID-ის საბაზისო განათლების პროგრამის ფარგლებში თბილისის, ქვემო ქართლის, მცხეთა-მთიანეთისა და სამცხე-ჯავახეთის 17 მასწავლებელი დაჯილდოვდა. ღონისძიებას აშშ-ს ელჩი საქართველოში კელი დეგნანი, საქართველოს განათლებისა და მეცნიერების მინისტრის პირველი მოადგილე ეკატერინე დგებუაძე, USAD/საქართველოს მისიის წარმომადგენლები და სხვა მოწვეული სტუმრები ესწრებოდნენ.
გაეროს განვითარების პროგრამის მხარდაჭერით პროფესიული განათლების განვითარებისთვის ახალი პროექტები დაიწყო
გაეროს განვითარების პროგრამის ფარგლებში (UNDP), პროფესიული განათლების განვითარების ხელშეწყობისთვის, HR პროფესიონალთა ასოციაცია და საერთაშორისო ციფრული ინსტიტუტი (International Digital Institute, IDI), საქართველოს განათლებისა და მეცნიერების სამინისტროსთან თანამშრომლობით, ორი ახალი პროექტის განხორციელებას იწყებს.
საქართველოს განათლებისა და მეცნიერების სამინისტრო რამაზ ჭილაიას გარდაცვალების გამო მწუხარებას გამოთქვამს
საქართველოს განათლებისა და მეცნიერების სამინისტრო მწუხარებას გამოთქვამს
კოლეჯი „ბლექსი“ ქედაში პირველი პროფესიული სტუდენტების მისაღებად ემზადება
ახალი სასწავლო წლიდან კოლეჯ „ბლექსის“ ახალი, თანამედროვე სტანდარტების სასწავლო ბაზა ქედაში პირველ სტუდენტებს მიიღებს, სადაც პირველ ეტაპზე მეფუტკრეობის მიმართულების პროფესიული პროგრამა ამოქმედდება. კოლეჯი მსურველებს ასევე შესთავაზებს მომზადება-გადამზადების კურსებს მასპინძლობისა და საოჯახო მეურნეობის მართვისა და სოფლის მეურნეობის მიმართულებით.
„მეცნიერების კალენდარი 2021“-ის ფარგლებში მოსწავლეებისთვის ნახატების კონკურსი გამოცხადდა
საქართველოს განათლებისა და მეცნიერების სამინისტროს პროექტის – „მეცნიერების კალენდარი 2021“ ფარგლებში გორის სახელმწიფო სასწავლო უნივერსიტეტი სკოლის მოსწავლეებისთვის სამეცნიერო თემატიკის ნახატების ეროვნულ კონკურსს აცხადებს.
მეცნიერების პოპულარიზაციის მიზნით ბათუმი სამეცნიერო ღონისძიებებს უმასპინძლებს
საქართველოს განათლებისა და მეცნიერების სამინისტროს ინიციატივით, 21 სექტემბერს ბათუმი სამეცნიერო ღონისძიებას „საზღვაო ქვეყნის ლურჯი პოლიტიკა“ უმასპინძლებს, რომლის მიზანს ახალგაზრდების, განსაკუთრებით მოსწავლეების საზღვაო მეცნიერებებით დაინტერესება წარმოადგენს.
მიხეილ ჩხენკელი UNESCO-ს მიერ ორგანიზებულ გლობალური განათლების მინისტერიალზე სიტყვით წარდგა
საქართველოს განათლებისა და მეცნიერების მინისტრი მიხეილ ჩხენკელი სიტყვით წარდგა UNESCO-ს მიერ ორგანიზებულ გლობალური განათლების ონლაინ მინისტერიალზე, რომლის მთავარ მიზანს Covid-19-ის მასშტაბური კრიზისის ფონზე მსოფლიოში განათლების სფეროში არსებულ გამოწვევებსა და მათი გადაჭრის გზებზე მსჯელობა წარმოადგენდა. მაღალი რანგის ფორუმის მონაწილეებმა ერთმანეთს თავიანთი ქვეყნების მიერ განათლების უწყვეტობისა და ტრანსფორმაციის კუთხით გადადგმული ნაბიჯები და სამომავლო გეგმები გაუზიარეს, როგორც პანდემიის მართვის, ასევე, ინკლუზიური, სამართლიანი და ხარისხიანი განათლების უზრუნველყოფის კუთხით.
ახალი სასწავლო წლიდან პროექტი „შემოაღე კარი მეცნიერებაში“ ახალ ეტაპზე გადადის
ახალი სასწავლო წლიდან პროექტი „შემოაღე კარი მეცნიერებაში“, რომელიც სკოლებისა და სამეცნიერო-კვლევითი დაწესებულებების თანამშრომლობას გულისხმობს, ახალ ეტაპზე გადადის. პროექტის ფარგლებში, მოსწავლეები მათ მიერვე შერჩეულ კვლევით ინსტიტუტს ეწვევიან, მეცნიერთა საქმიანობას გაეცნობიან და მიიღებენ უახლეს ინფორმაციას მიმდინარე კვლევებისა და სამეცნიერო პროექტების შესახებ. „შემოაღე კარი მეცნიერებაში“, მეცნიერების პოპულარიზაციის მიზნით, განათლებისა და მეცნიერების პროექტის „მეცნიერების კალენდარი – 2021“ ფარგლებში ხორციელდება.
სამუშაო ადგილებზე კორონავირუსის გავრცელების პრევენციის მიზნით ახალი პროექტი იწყება
„შრომის უსაფრთხოების დესპანი“ – სამუშაო ადგილებზე კორონავირუსის გავრცელების პრევენციის მიზნით, ახალი პროექტი იწყება. პროექტში საქართველოში აკრედიტებული უმაღლესი სასწავლებლების სტუდენტები ჩაერთვებიან. ისინი სამუშაო ადგილებზე დამსაქმებელთა და დასაქმებულთა ცნობიერების ამაღლების პროცესში მონაწილეობას შრომის ინსპექტორებთან ერთად მიიღებენ. შერჩეული სტუდენტები ცნობიერების ამაღლების პროცესში ჩართვამდე სპეციალურ მომზადებას გაივლიან.
პროფესიულ განათლებაში კვალიფიკაციების განვითარების ახალი მეთოდოლოგია დაინერგება
განათლებისა და მეცნიერების სამინისტრო გერმანიის საერთაშორისო თანამშრომლობის საზოგადოების (GIZ) მხარდაჭერით პროფესიული კვალიფიკაციების გადახედვას იწყებს, რომელიც საუკეთესო საერთაშორისო პრაქტიკის ანალიზსა და სისტემაში დაგროვილ გამოცდილებას ეფუძნება. აღნიშნული პროცესის მიზანია საქართველოს კვალიფიკაციების სისტემის საერთაშორისო სტანდარტებთან დაახლოება, პროფესიული განათლების მოდერნიზაცია და საერთო ევროპულ სივრცეში მისი ინტეგრაციის ხელშეწყობა. აღსანიშნავია, რომ კვალიფიკაციების გადახედვის პროცესში აქტიურად ჩაერთვება კერძო სექტორი და დარგობრივი ასოციაციები.
ნუნუ მიცკევიჩი ქუთაისის საგამოცდო ცენტრებს ეწვია
იმერეთის რეგიონში ვიზიტის ფარგლებში, საქართველოს განათლებისა და მეცნიერების მინისტრის მოადგილემ ნუნუ მიცკევიჩმა ქუთაისის საგამოცდო ცენტრები მოინახულა და ეროვნული გამოცდების მიმდინარეობას ადგილზე გაეცნო.
მიხეილ ჩხენკელმა ჩეხეთის ელჩთან თანამშრომლობის გაფართოების საკითხებზე იმსჯელა
საქართველოს განათლებისა და მეცნიერების მინისტრმა მიხეილ ჩხენკელმა ჩეხეთის რესპუბლიკის ელჩს პეტრ მიკისკას უმასპინძლა და მასთან უმაღლესი განათლების სფეროში თანამშრომლობის გაფართოების შესაძლებლობები განიხილა.
პირველად საქართველოში აგრარული მეცნიერებების გამოფენა გაიმართება
მეცნიერების პოპულარიზაციის მიზნით, პირველად საქართველოში აგრარული მეცნიერებების, ინოვაციებისა და ტექნოლოგიების ეროვნული გამოფენა გაიმართება, რომელიც უფროსკლასელებს, სტუდენტებს, დოქტორანტებს, მკვლევრებსა თუ ამ სფეროს წარმომადგენლებს უახლესი კვლევითი მიღწევების გაცნობისა და ამ მიმართულებით სამეცნიერო კარიერის დაგეგმვის შესაძლებლობას მისცემს.
ნუნუ მიცკევიჩმა ქუთაისში საქართველოს რეგიონების უმაღლესი სასწავლებლების რექტორებთან შეხვედრა გამართა
„ERASMUS+“-ის ინსტიტუციური განვითარების პროექტის ფარგლებში, საქართველოს განათლებისა და მეცნიერების მინისტრის მოადგილემ ნუნუ მიცკევიჩმა რეგიონული უნივერსიტეტების რექტორებთან შეხვედრა გამართა. ღონისძიება ქუთაისში, აკაკი წერეთლის სახელმწიფო უნივერსიტეტში გაიმართა, სადაც რეგიონული უნივერსიტეტების მუდმივმოქმედი კონფერენცია დაფუძნდა და აღნიშნულთან დაკავშირებით მემორანდუმი გაფორმდა.
გლდანის კოლეჯში დასაქმებისა და სტაჟირების ხელშეწყობის მიზნით ფორუმი გაიმართა
გლდანის პროფესიულმა კოლეჯმა დასაქმების ფორუმს უმასპინძლა, სადაც ოცდათხუთმეტმა ბიზნესკომპანიამ შრომის ბაზარზე აქტიური 500-ზე მეტი ვაკანსია წარმოადგინა მომსახურების, სავაჭრო, სასტუმრო და სარესტორნო, სამრეწველო, სატრანსპორტო, ლოჯისტიკური, სამშენებლო, სადაზღვევო და ჯანდაცვის სფეროებიდან.
მიხეილ ჩხენკელმა ქართული პოლიფონიური მუსიკით დაინტერესებულ ნოტრ დამის უნივერსიტეტის მაგისტრს უმასპინძლა
საქართველოს განათლებისა და მეცნიერების მინისტრმა მიხეილ ჩხენკელმა ნოტრ დამის უნივერსიტეტის (აშშ) მაგისტრს დევიდ მარშალს უმასპინძლა, რომელიც სტუდენტური გაცვლითი პროგრამის ფარგლებში გიორგი მთაწმინდელის სახელობის საეკლესიო გალობის უმაღლეს სასწავლებელს სტუმრობს.სიახლეები ვერ მოიძებნა.